پاۆلوداردا كەشە ترامۆايدىڭ استىنا تۇسكەن سەگىز جاستاعى وقۋشى قىز ەسىن جينادى، دەپ حابارلايدى Qamshy.kz اقپارات اگەنتتىگى pavlodarnews.kz پورتالىنا سىلتەمە جاساپ.

بۇل تۋرالى اگەنتتىككە وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى ماحاببات مۇحامادييەۆا ءمالىم ەتتى.

«بۇگىن تاڭەرتەڭ تۇسكەن مالىمەتكە سۇيەنسەك، قىز بالانىڭ جاعدايى تۇراقتى. بالا ەسىن جيدى، - دەيدى باسپا ءسوز حاتشىسى.

دارىگەرلەردىڭ ايتۋىنشا، حيرۋرگيالىق شارا قولدانۋدىڭ قاجەتى جوق. ناۋقاس ءتيىستى ەم قابىلداۋدا.

ەسكە سالا كەتەيىك، قايعىلى جاعداي كەشە تاڭەرتەڭ ساعات 7:43-تە ورىن العان. سالدارىنان № 4 ءجوبم-نىڭ ەكى وقۋشىسى ترامۆايدىڭ استىندا قالدى.

10 جاستاعى قىز وقيعا ورنىندا قايتىس بولسا، ەكىنشى قىز اۋرۋحانادا جاتىر. بالالاردى اناسى جالعىز تاربيەلەۋدە. قىزداردان باسقا، بۇل وتباسىندا ۇل بالا ءوسىپ كەلەدى. قازىرگى تاڭدا بالالاردىڭ اناسى بالانىڭ كۇتىمىنە بايلانىستى دەمالىستا جانە ەگدە جاستاعى اناسى بىرگە تۇرادى. پاۆلودار وبلىسى پروكۋرورىنىڭ ورىنباسارى باۋىرجان مىرزاكەروۆتىڭ حابارلاۋىنشا، ءىستى تەرگەۋدى قۇزىرلى ورگان قولعا العان.

«ءبىز بۇل ءىستى باقىلاۋعا الدىق. ساراپتاما تاعايىندالدى. ەگەر دە ترامۆاي جۇرگىزۋشىسىنىڭ كىنالى ەكەنى انىقتالسا، ءتيىستى شارا قولدانامىز»، – دەيدى باۋىرجان مىرزاكەروۆ.