«EXPO-2017 ASTANA» كورمەسى اياسىندا استانا قالاسىندا قانات يسلام مەن برەندون كۋك اراسىنداعى جەكپە-جەك مارەسىنە جەتتى، دەپ جازادى Qamshy.kz.  وتانداسىمىز ءبىرىنشى ورتا سالماقتاعى WBO، NABO جانە WBA Inter-Continental بەلدىكتەرىن قورعادى.

قانات يسلام ادەتتەگىدەي شارشى الاڭعا «Qamshy.kz» اقپارات اگەنتتىگى جەتەكشىسى ءبىلال قۋانىشتىڭ ءانى، «قامشىنىڭ» گيمنى «ءدۇر قامشى» انىمەن شىقتى.

ءۇشىنشى راۋندتىڭ سوڭعى سەكۋندىندا قاناتتىڭ ءساتتى ءبىر سوققىسىنان برەندون ەسەڭگىرەپ-اق قالدى. ال، جانكۇيەر جۇرتتىڭ قىزۋ قولداۋى استانا اسپانىن شارلاپ كەتتى. ءتورتىنشى راۋندتا دا قانات ءجيى شابۋىلدادى. دەگەنمەن برەندون ەسىن جيىپ الدى. ال، بەسىنشى راۋند باستالا سالا قاناتتىڭ سول جاق قولىمەن سوققان سوققىسى قارسىلاسىنىڭ يەك استىنان ءتيىپ، كەرمە ارقانعا شالقالا قۇلاتتى. ەكى نوكداۋن السا دا برەندون توزىمدىلىگىن دالەلدەدى. 

سەگىزىنشى راۋندتا برەندون ءۇشىنشى رەت نوكداۋن الدى. قانات يسلام سوققىسىن ۇدەتكەنىمەن قارسىلاسى قۇشاقتاپ الىپ، راۋند اياقتالدى. توعىزىنشى راۋند باستالا سالا سوققىسىن ۇدەتكەن قاناتقا تورەشى داۋسىز جەڭىستى سىيلادى.

«Qazaq» لاقاپ اتىمەن شىعىپ جۇرگەن جەرلەسىمىز قانات يسلام ءبىرىنشى ورتا سالماقتاعى WBO، NABO جانە WBA Inter-Continental چەمپيوندىق بەلبەۋلەرىنىڭ يەگەرى بۇكىلالەمدىك بوكس قاۋىمداستىعىنىڭ (WBA) 8 قىركۇيەكتە جاڭارتىلعان رەيتينگىندە ەكىنشى ورىندا.

ال، قانات يسلامنىڭ كەزدەسۋدەگى قارسىلاسى جانكۇيەرلەرىنە Bad Boy، ياعني "جامان بالا" اتىمەن تانىمال. برەندون كۋك بولسا WBA رەيتينگىندە - 5 ورىندا ورنالاسقان. كانادالىق بوكسشىنىڭ پروموۋتەرى تايلەر باكستون اتاپ وتكەندەي، برەندون جەڭىستەن ءۇمىتتى بولدى، رينگكە «كىممەن، قايدا شىقسا دا»  جۇدىرىقتاسۋعا دايىن ەكەنىن ايتقان.

13 قىركۇيەك كۇنى 33 جاسقا تولاتىن قانداسىمىز قانات يسلام كاسىپقوي بوكسقا 2012 جىلى اۋىسىپ، سول ۋاقىتتان بەرى ەشكىمگە دەس بەرگەن جوق. ول ءوزى وتكىزگەن 24 كەزدەسۋدىڭ بارلىعىندا جەڭىسكە جەتتى. 20 رەت قارسىلاسىن نوكاۋتقا ءتۇسىردى.

ونىڭ سوڭعى جەكپە-جەگى نوربەرتو گونسالەسپەن مامىر ايىندا اقش-تىڭ فلوريدا شتاتىنداعى بوكا راتون قالاسىندا ورنالاسقان «Boca raton resort & club»-تا كەزدەسۋى. مايتالماندار  WBO NABO جانە WBA Inter-Continental ۆاكانتتى تيتۋلى ءۇشىن تالاستى. قاناتتىڭ 24ء-ىنشى كەزدەسۋى وتكەن كەشتە جانقوش تۇراروۆ 21ء-ىنشى جەڭىسىنە جەتتى.

جەرلەسىزمىز قازاق جەرىندە وسىمەن ەكىنشى رەت جەكپە-جەك وتكىزىپ وتىر. جەرلەسىمىز 22ء-ىنشى كەزدەسۋىن الماتىدا وتكىزگەن بولاتىن. 2016 جىلدىڭ ايتۋلى وقيعالارىنىڭ ءبىرى رەتىندە ەستە قالعان، 29 قازان «الماتى ارەنادا» وتكەن باسەكەدە قانات يسلام قارسىلاسى پاتريك اللوتەيدى ۇپاي سانىمەن جەڭدى. وتكەن جىلدىڭ ەڭ ماڭىزدى سپورتتىق وقيعاسىندا قاناتتان بولەك، جانقوش تۇراروۆ تا باسەكەلەسى ايساك اريەنى (گانا) 4 راۋندتا جايراتىپ سالعان ەدى.

ءاربىر جەكپە-جەگىن جاستار اسىعا كۇتەتىن قانات يسلامنىڭ بيىلعى العاشقى جەكپە-جەگى ءارى 23-كەزدەسۋى اقپان ايىندا امەريكانىڭ دەلاۆەر شتاتى ۋيلمينگتون قالاسىندا برازيليالىق بوكسشى روبسون اسسيسپەن جەكپە-جەك جاساعان بولاتىن. ويىن باستالا سالا جەرلەسىمىز قارسىلاسىن ءبىر مينۋتقا جەتپەس ۋاقىتتا-اق نوكاۋتقا جىبەرگەن ەدى.

ءوزىنىڭ اشىق جاتتىعۋى اياسىندا قانات يسلام تىلشىلەرگە بەرگەن سۇحباتىندا «ءبىزدىڭ جاتتىعۋ لاگەرىمىز كەرەمەت بولدى. وز-وزىمە سەنىمدىمىن جانە جەڭىسكە جەتۋگە دايىنمىن. الدا بولاتىن جەكپە-جەكتى تاعاتسىزدانا كۇتىپ ءجۇرمىن. بۇل – مەنىڭ ءۇيىم جانە مەن جەڭەمىن»، – دەگەن ەدى.

جەكپە-جەكىڭ اندەركارتىندا قازاقستاندىق 8 بوكسشى شارشى الاڭعا شىقتى.

كەشتىڭ العاشقى جەكپە-جەگىن مەيىرىم نۇرسۇلتانوۆ پەن برازيليالىق يسماەل بۋەنو باستاپ، كاسىپقوي رينگتە 3 جەكپە-جەك وتكىزىپ، ەكەۋىن جەڭىسپەن اياقتاعان جەرلەسىمىز العاشقى سەكۋندتاردا-اق، قارسىلاسىن تىقسىرىپ تاستادى.

ەكىنشى بولىپ شارشى الاڭعا كوتەرگەن ديماش نيازوۆ ەدۋاردو پەرەيرا دوس رەيشپەن قولعاپ ءتۇيىستىرىپ، قارسىلاسىن تورەشىلەردىڭ بەرگەن باعاسى بويىنشا 2:1 ۇپاي سانىمەن جەڭدى.

ءۇشىنشى بولىپ شارشى الاڭعا ايدوس ەربوسىن ۇلى مەن ارگەنتينالىق قارسىلاسى شىعا سالا قۋالاپ ءجۇرىپ سابادى.

10 راۋندتان تۇراتىن ءتورتىنشى جەكپە-جەككە 20 بوكسىندا 18 جەڭىسىنىڭ 7ء-سىن نوكاۋت جاساعان امەريكالىق توماس دجاستين بەريلل مەن قانداسىمىز ءالي احمەدوۆ شىقتى. ءالي احمەدوۆ 8 راۋندتا قارسىلاسىن 2 رەت قۇلاتىپ، جەڭىسكە جەتتى.

قانات يسلاممەن بىرگە ءبىر اي دايىندالعان نۇرسۇلتان جاڭابايەۆ شىعا سالا الەكس ساندرو دۋارتەنى ۇرىپ قۇلاتتى. نۇرسۇلتان جاڭابايەۆ العاشقى كەزدەسۋىندە-اق WBA چەمپيوندىق بەلدىكتەرىنىڭ ءبىرىن يەلەنگەن.

التىنشى جەكپە-جەكتە رۋسلان مىرساتايەۆ پەن اندرەس ماتياس اففرانيل شىعىپ، قارسىلاسى رۋسلاننىڭ سوققىسىنا شىدايماي 4 راۋندتا سوققىعا شىداماي سەرەيىپ قۇلادى.

شارشى الاڭنىڭ جەتىنشى جۇبى 2013 جىلعى الەم چەمپيونى، ريو وليمپياداسىنىڭ قاتىسۋشىسى جانىبەك ءالىمحان ۇلى مەن جيلبەرتو پەرەيرا دوس سانتوس تا جەرلەسىمىزدىڭ پايداسىنا شەشىلدى.

سوڭعى بولىپ شىققان جانقوش تۇراروۆ العاش رەت 10 راۋند بويى بوكستاسىپ قارسىلاسىن ۇپاي سانىمەن جەڭدى.

كەيىنىرەك سۇحبات بەرگەن جانقوش تۇراروۆتىڭ 6-ىنشى راۋندتا قولىن سىندىرىپ العانى بەلگىلى بولدى.

بوكس كەشىن «Qazaqstan» جانە «Qazsport»  تەلەارنالارى تىكەلەي ەفيردە كورسەتتى.

انونس بەرە كەتسەك، قىركۇيەك ايىندا بۇگىنگى كۇننەن بولەك قازاقستاندىق جانكۇيەرلەردى 16 قىركۇيەكتەگى گولوۆكين مەن الۆارەس اراسىنداعى تاعى ءبىر جەكپە-جەك كۇتىپ تۇر. بۇگىن ەكىنشى رەت اكە اتانعان 35 جاستاعى گولوۆكين الداعى جەكپە-جەگىندە WBC، WBA (Super)، IBF جانە IBO تيتۋلدارىن قورعايدى.

اقش-تىڭ لاس-ۆەگاس قالاسىنداعى 20 مىڭ ورىندىق T-Mobile ارەناسىندا 16 قىركۇيەك كۇنى وتەتىن بوكس جىلدىڭ باستى وقيعاسى بولماق. جەكپە-جەك استانا ۋاقىتىمەن 17 قىركۇيەك، ياعني جەكسەنبىنىڭ تاڭىندا وتەدى. گولوۆكين – الۆارەس بوكس كەشىن ترانسلياسيالاۋعا قۇقىق العان Qazaqstan مەن QazSport تەلەارنالارى تىكەلەي ەفيردە كورسەتەدى. سونداي-اق، اتالعان بوكس 130 ەلدە كورسەتىلەدى.