جەزقازعاندا الاش الاڭى جاڭارتىلدى. جاز بويى قاراعاندى وبلىسى جەزقازعان قالاسىنىڭ باستى الاڭى الاش الاڭىندا جوندەۋ جۇمىستارى ءجۇرىپ، 8 قىركۇيەك – قالا كۇنىندە جاڭارعان الاڭنىڭ اشىلۋ سالتاناتى ءوتتى. وسى كۇنى الاڭعا ورناتىلعان تاۋەلسىزدىك مونۋمەنتى جۇرتشىلىققا تانىستىرىلدى، - دەپ حابارلايدى Qamshy.kz اقپارات اگەنتتىگى.

بيىل قالادا ءبىرشاما جاڭعىرتۋ جۇمىستارى جۇرگەن. بيۋدجەتتەن قالا جولدارىن جوندەۋ، اباتتاندىرۋعا قىرۋار قارجى ءبولىنىپ، توزىعى جەتكەن قۇبىرلار جاڭارتىلىپ، بىرنەشە شىل جوندەۋ كورمەگەن جولدارعا اسفالت توسەلۋدە. كوگالداندىرۋ جۇمىستارى دا قارقىندى جۇرگەن. قالا باسشىلىعى وسى جۇمىستار اياسىندا قالاداعى الاش الاڭىن جاڭارتۋدى دا ءجون كورىپتى.

الاڭنىڭ تابان جولدارى، اينالاسى تۇگەل جاڭارتىلىپ، وندا تاۋەلسىزدىك مونۋمەنتى جاڭا ناقىشتا بوي كوتەرگەن. مونۋمەنت اۆتورى – قازاقستان سۋرەتشىلەر وداعىنىڭ مۇشەسى، قاراعاندىلىق ءمۇسىنشى مۇرات بايىسباي. مونۋمەنتتىڭ نەگىزگى بولىگى – بيىكتىگى 30 مەتر بولاتىن ستەللا. ونى ورناتۋ بارىسىندا قولا، گرانيت جانە بەتون قولدانىلعان. ستەللانىڭ ۇشار باسىنا سامۇرىق قۇسى قوندىرىلعان. 

– بيىل قالامىز ءبىرشاما جاڭعىرۋدى باستان كەشۋدە. قالا بيۋدجەتى تولىعىپ، اباتتاندىرۋ، كوگالداندىرۋ شارالارىنا جەتكىلىكتى قاراجات ءبولىندى. سونداي-اق، قالامىزدا تۇڭعىش رەت «وركەن» دارىندى بالالار مەكتەبى اشىلدى. مىنە، بۇگىن قالا كۇنىندە الاش اتىن يەلەنگەن الاڭنىڭ جاڭارعان كەلبەتىنە كۋا بولىپ وتىرمىز. جاڭارعان الاڭ قالا تۇرعىندارىنىڭ سۇيىكتى ورنىنا اينالارىنا سەنىمىم مول، – دەدى مونۋمەنتتىڭ اشىلۋىنا وراي وتكەن سالتاناتتى جيىندا ءسوز سويلەگەن قالا اكىمى باتىرلان احمەتوۆ. قالا باسشىلىعىنىڭ بۇل شەشىمىن بىلايعى جۇرتشىلىق تا قۋانىشپەن قارسى الدى. 

– ەلىمىزدىڭ ورتالىعىندا ورنالاسقان جەزقازعاندا الاش اتىن يەلەنگەن الاڭمەن بۇرىننان ماقتاناتىنبىز. ال، ەندى وسى الاڭدا تاۋەلسىزدىك مونۋمەنتىنىڭ اشىلۋى سول ماقتانىشىمىزدى ەسەلەپ وتىر. الاش ارىستارى اڭساعان تاۋەلسىزدىكتىڭ سيمۆولى بولعان بۇل مونۋمەنت قالا تۇرعىندارىنىڭ، اسىرەسە، جاستاردىڭ پاتريوتتىق سەزىمىن ارتتىراتىنى، ەلگە، جەرگە دەگەن ماقتانىش سەزىمىن تۋعىزىپ، وتان تاريحىنا قۇرمەتىن قالىپتاستىراتىنى ءسوزسىز، - دەيدى جەزقازعان قالاسىنىڭ قۇرمەتتى ازاماتى، قالالىق قوعامدىق كەڭەس ءتوراعاسىنىڭ ورىنباسارى ساعىندىق قوجامسەيىتوۆ.

ايتا كەتەرلىگى، بيىل سونداي-اق، قالاداعى نەگىزگى التى كوشەنىڭ جولى كۇردەلى جوندەۋدەن ءوتتى. ولاردىڭ ىشىندە الاش الاڭىنان باستاۋ الاتىن الاشا حان داڭعىلى دا بار. سونداي-اق، قالاداعى جاستار ساياباعىندا اباتتاندىرۋ جۇمىستارى جالعاسۋدا. قالا كۇنىنە ارنالعان سالتاناتتى شارا قازاقستان ەسترادا جۇلدىزدارىنىڭ كونسەرتى مەن مەرەكەلىك وت شاشۋعا ۇلاستى.