الماتى قالاسىنداعى «دوستىق ءۇيى» عيماراتىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ازىرلەنگەن زاڭ جوباسىن تالقىلاۋ بويىنشا قوعمدىق پىكىر كوشباسشىلارىمەن جانە عىلىمي-ساراپشىلار قاۋىمداستىعى وكىلدەرىمەن دوڭگەلەك ۇستەل ءوتتى دەپ حابارلايدى Qamshy.kz اقپارات اگەنتتىگى.
اتالعان ءىس-شاراعا ق ر ءدىن ىستەرى جانە ازاماتتىق قوعام مينيسترلىگىنىڭ ۆيسە-مينيسترى ب.س. ارىن، مينيسترلىكتىڭ ءدىن ىستەرى كوميتەتى ءتوراعاسىنىڭ مىندەتىن اتقارۋشى ە.ءا. وڭعاربايەۆ، ازاماتتىق قوعام ىستەر كوميتەتىنىڭ ءتوراعاسى ءا.ق.عاليموۆا، سونىمەن قاتار تانىمال عالىمدار، ءدىنتانۋشىلار، تەولوگتار، زاڭگەرلەر، بلوگەرلەر مەن ۇكىمەتتىك ەمەس ۇيىمداردىڭ وكىلدەرى بولىپ تابىلاتىن ا.بيجانوۆ، ءا.دەربىسالى، ن.بايتەنوۆا، ە.بۋروۆا، ن.سەيداحمەتوۆا، ە.دۇيسەنوۆ، ر.پودوپريگورا، ا.ءابۋوۆ، ب.ساتەرشينوۆ، ا.سابدين، ە.شوحايەۆ، ا.سارىم، ر.جۇمالى، م.تەلىبەكوۆ، ي. قۋانىش قىزى جانە تاعى باسقا دا ساراپشىلار مەن قوعامدىق پىكىر جەتەكشىلەرى قاتىستى.
«ءبىز زاڭ جوباسىنىڭ جۇمىسىنا مەملەكەتتىك ورگاندارمەن قاتار قوعامنىڭ دا بەلسەندى ارالاسۋىنا مۇددەلىمىز. ءبىز ءۇشىن ازاماتتىق قوعامنىڭ بارلىق وكىلدەرىمەن اشىق سۇحبات جۇرگىزۋ ماڭىزدى» - دەپ اتاپ ءوتتى ۆيسە-مينيستر بەرىك ارىن ءوز سوزىندە.
زاڭ جوباسىن پرەزەنتاسيالاعان وڭعاربايەۆ ەركىن ءانۋار ۇلى قاتىسۋشىلاردى زاڭ جوباسىنا ەنگىزىلىپ وتىرعان وزگەرىستەرمەن جانە تولىقتىرۋلارمەن جان-جاقتى تانىستىرىپ ءوتتى.
جالپى، زاڭ جوباسىن دايىنداۋ بارىسىندا مەملەكەتتىك ورگانداردىڭ، قوعامدىق بىرلەستىكتەردىڭ، ساراپشىلار قاۋىمداستىعى مەن ازاماتتاردىڭ ۇسىنىستارى مەن پىكىرلەرى بارىنشا ەسكەرىلدى. قولدانىستاعى زاڭنامالارعا جاڭا نورمالاردى ەنگىزۋ بارىسىندا حالىقارالىق تاجىريبەگە باسا نازار اۋدارىلدى.
كەزدەسۋگە قاتىسۋشىلار ءدىن سالاسىنداعى زاڭنامانى جەتىلدىرۋدىڭ جانە اتالعان قۇجاتتى قابىلداۋدىڭ قاجەتتىلىگىنە جالپى قولداۋ كورسەتە وتىرىپ، زاڭناما جوباسىنا قاتىستى ءوز ەسكەرتۋلەرى مەن ۇسىنىستارىن ءبىلدىردى.
شارانى تۇجىرىمداعان ۆيسە-مينيستر ب. ارىن كەزدەسۋگە قاتىسۋشىلارعا ريزاشىلىعىن ءبىلدىرىپ، بۇگىنگى ايتىلعان بارلىق ۇسىنىستار مەن ەسكەرتۋلەردىڭ مۇقيات زەرتتەلەنەتىندىگىن جانە قاراستىرىلاتىندىعىن اتاپ ءوتتى.
بۇل زاڭ جوباسى قازاقستان رەسپۋبليكاسىنىڭ ءوزىن دەموكراتيالىق، زايىرلى مەملەكەت رەتiندە ورنىقتىراتىنىن، اركiمنiڭ ار-وجدان بوستاندىعى قۇقىعىن راستايتىنىن، اركiمنiڭ دiني نانىمىنا قاراماستان تەڭ قۇقىلى بولۋىنا كەپىلدىك بەرەتىنىن، حانافي باعىتىنداعى يسلامنىڭ جانە پراۆوسلاۆيەلىك حريستياندىقتىڭ حالىقتىڭ مادەنيەتىنىڭ دامۋى مەن رۋحاني ومىرىندەگى تاريحي ءرولىن تانيتىنىن، قازاقستان حالقىنىڭ رۋحاني مۇراسىمەن ۇيلەسەتىن باسقا دا دىندەردى قۇرمەتتەيتىنىن، كونفەسسياارالىق كەلىسىمنىڭ، ءدىني تاعاتتىلىقتىڭ جانە ازاماتتاردىڭ ءدىني نانىمدارىن قۇرمەتتەۋدىڭ ماڭىزدىلىعىن تانيتىنىن نەگىزگە الادى.
