تۇركياداعى قازاقستاننىڭ ەلشىلىگىنىڭ جانە «KAZAKH INVEST» ۇلتتىق كومپانياسى» اق-نىڭ قولداۋىمەن جالپى سوماسى 590 ميلليون اقش دوللارىنا ينۆەستيسيالىق قۇجاتتارعا قول قويىلدى. كەلىسىمدەر جانە مەموراندۋمدار «Calik Holding»، «Yildirim Holding»، «Yildizlar SSS Holding»، «Agrobest Group» جانە باسقا ءىرى تۇرىك حولدينگتەرىمەن جاسالدى دەپ حابارلايدى Qamshy.kz اقپارات اگەنتتىگى.

قۇجاتتاردىڭ شەڭبەرىندە قازاقستاننىڭ ءار-تۇرلى وڭىرلەرىندە قۇرىلىس ماتەريالدارىن، ماشينا جاساۋ، حيميا ونەركاسىبى، تاۋ-مەتاللۋرگيالىق سەكتور، ەنەرگەتيكا ونىمدەرىن ءوندىرۋ بويىنشا جوبالاردى ىسكە اسىرۋ جوسپارلانادى.

سوڭعى بەس جىلدا تۇرىك ينۆەستورلارىمەن 667،5 ملن. اقش دوللارى سوماسىنا 18 جوبا ىسكە اسىرىلعاندىعىن ەسكە سالىپ وتەيىك. جاقىن بولاشاقتا جاڭا 10 جوبانى ىسكە اسىرۋ جوسپارلانادى.

ق ر پرەزيدەنتى 2016 جىلدىڭ ساۋىرىندە ستامبۋل قالاسىنا بارعان ساپارىنان كەيىن تۇرىك شاعىن جانە ورتا بيزنەس وكىلدەرىنىڭ تاراپىنان دا، سونداي-اق ترانسۇلتتىق كومپانيالاردىڭ تاراپىنان دا قازاقستانعا دەگەن قىزىعۋشىلىقتىڭ وقىس وسكەندىگىن اتاپ وتكەن ءجون. تۇرىك كومپانيالارى قازاقستاندى دايىن ءونىمدى ەاەو جانە ورتالىق ازيا ەلدەرىنە كەلەسى ەكسپورتتاۋمەن ءوز وندىرىستەرىن ورنالاستىرۋ الاڭى رەتىندە قاراستىرادى. ودان باسقا، سوڭعى ءۇش جىلدا تۇركيادان كەلگەن ينۆەستورلار قازاقستاندا قايتا ينۆەستيسيالاۋدى جانە ءوز وندىرىستىك قۋاتتارىن ءوسىرۋدى بەلسەندى باستادى.

جالپى بۇگىنگى كۇنى قازاقستاندىق-تۇرىك ينۆەستيسيالىق باستامالاردىڭ جالپى پاكەتى جالپى سوماسى 2،7 ملرد. اقش دوللارىن قۇرايتىن 70 جوبانى ەنگىزەدى، ولاردىڭ ىشىندە 31 جوبا ىسكە اسىرىلدى، جانە شامامەن 40 جوبا پەرسپەكتيۆالى جانە ىسكە اسىرىلۋى مۇمكىن. تۇركيادان قر-نا تشي-نىڭ 2005 جىلدان باستاپ 2017 جىلدىڭ 1 توقسانىنا دەيىن كەلۋى $ 2،1 ملرد. قۇرادى. 2017 ج. 6 ايىنىڭ قورىتىندىلارى بويىنشا سىرتقىساۋدالىق اينالىم 925،1 ملن. قۇرادى (2016 ج. ۇقساس كەزەڭىمەن ءوسۋ 36،1%-دى قۇرادى). 2017 ج. 1 شىلدەسىنە قر-دا 4114 زاڭدى تۇلعا تىركەلدى، ولاردىڭ ىشىندە 1831 ارەكەت ەتەدى.