9 قىركۇيەك كۇنى استانادا قانات يسلام مەن برەندون كۋكتىڭ اراسىنداعى بوكس كەشىندە ونەر كورسەتكەن جانقوش تۇراروۆتىڭ قارسىلاسىن نەگە قۇلاتا الماعانىن ايتتى دەپ حابارلايدى Qamshy.kz اقپارات اگەنتتىگى.
بۇل تۋرالى جانقوش ءوزىنىڭ Instagram پاراقشاسىندا جازعان بولاتىن.
«كەشەگى جەكپە جەك بارىسىندا العان جاراقاتىما بايلانىستى ۋايىمداپ، ءقالىمدى سۇراپ جاتقان اعايىندارعا راقمەت. اللاعا شۇكىر بارلىعى جاقسى، ءتورتىنشى راۋندتا قارسىلاسىمنىڭ ماڭدايىنا تيگەن سوققىدان كەيىن وڭ قولىمدى اۋىرتىپ الدىم، ارتىنان بەلگىلى بولعانداي ىشىندەگى سۇيەگى شىتىناپ كەتىپتى. ءقازىر گيپس سالىپ، ەم قابىلداپ جاتىرمىن. بۇل كاسىپقوي بوكس، رينگتە نەشە ءتۇرلى كۇتپەگەن جاعدايلار ورىن الىپ جاتادى. ەڭ باستىسى سوڭىنا دەيىن ءساتتى اياقتاپ، جەڭىسكە جەتتىك. بۇكىل قولداۋعا كەلگەن جانكۇيەرلەرگە جانە تەلەديداردىڭ ارتىندا ءبىز ءۇشىن ۋايىمداپ وتىرعان قازاق xالقىنا العىسىم شەكسىز. جەڭىستى كۇندەر كوپ بولسىن اعايىن»، - دەپ جازدى جانقوش تۇراروۆ.
