الماتى ءىرى جانارماي بەكەتى جەلىسىندە بەنزين مەن ديزەل جانارمايىنىڭ باعاسى ءوستى، دەپ حابارلايدى Qamshy.kz  اقپارات اگەنتىگى.

«قازمۇنايگاز» جانارماي بەكەتىندە اي-92 بەنزينىنىڭ باعاسى ارتتى، تامىز باسىنان بەرى 144 تەڭگەگە دەيىن ارتقان. اي-95 بەنزينىنىڭ باعاسى دا ءۇش تەڭگەگە ارتىپ، 158 تەڭگە بولدى، ال ديزەل تامىز باسىنان بەرى ءتورت تەڭگەگە ارتىپ، ءليترى 144 تەڭگە بولعان. 

Royal Petrol بەكەتتەرىندەگى بەنزين باعاسى: اي-92 – 145 تەڭگە، ديزەل – 145 تەڭگە، اي-95 – 159 تەڭگە. 

Sinوoil جانارماي بەكەتىندە ءبىر ليتر اي-92 ەكى تەڭگەگە قىمباتتاپ، 145 تەڭگە بولدى. ديزەل جانارمايى مەن اي-95 بەنزينى ءبىر تەڭگەگە قىمباتتاپ، 144 جانە 159 تەڭگەگە جەتتى.

Helios بەكەتتەرىندە ءبىر ليتر اي-92  145 تەڭگەدەن ساتىلادى، ديزەل جانارمايى — 146 تەڭگە، اي-95 – 159 تەڭگە.

ەڭ جوعارى باعا «گازپروم نەفت — كازاحستان» جانارماي بەكەتتەرىندە: اي-92 – 147 تەڭگە، ديزەل جانارمايى – 147 تەڭگە، اي-95 – 168 تەڭگە.

ەنەرگەتيكا مينيسترلىگى دە بۇل ماسەلەگە قاتىستى تۇشىمدى جاۋاپ بەرمەي وتىر. ولار بەنزين باعاسىن قاداعالاۋ ءبىزدىڭ جۇمىس ەمەس دەپ قىسقا قايىردى.

دەسەدە ەكونوميستەر باعانىڭ بۇلاي قۇبىلۋىن جاڭا جىلدان باستاپ ەنگىزىلەتىن جاڭاشىلدىقتارمەن بايلانىستىرىپ وتىر. قاڭتاردان باستاپ جانارماي بەكەتتەرى ارنايى ەسەپتەۋىش قۇرالىن ورناتۋعا مىندەتتەلمەك. ول قانشا بەنزين كەلىپ قانشاسى ساتىلعانىن ساناپ وتىرادى. كولەڭكەلى بيزنەستىڭ الدىن الۋعا باعىتتالعان قۇرىلعىنى كاسىپكەرلەر 5 ميلليون تەڭگەگە الۋى ءتيىس. شىعىن كولەمىن تولتىراتىن ءبىر-اق جول بار. ول ارينە قارا حالىقتىڭ قالتاسى.

ايتا كەتسەك، الماتى قالاسى قازاقستاندا جانارمايدى ەڭ كوپ تۇتىناتىن مەگاپوليس بولىپ تابىلادى.