ماڭعىستاۋدا ورىن العان جانتۇرشىگەرلىك جول اپاتىنىڭ سالدارىنان ءبىر وتباسىنىڭ جەتى مۇشەسى دە كوز جۇمدى. Toyota Camry جەڭىل اۆتوكولىگى ۇيلەردىڭ ءبىرىنىڭ كىرپىشتەن جاسالعان قاقپاسىنا بارىپ سوعىلعان. سالدارىنان كولىكتە وتىرعان جەتى ادام، ولاردىڭ ەكەۋى كىشكەنتاي بالالار، قازاق تاپتى، دەپ حابارلايدى Qamshy.kz اقپارات اگەنتتىگى lada.kz سايتىنا سىلتەمە جاساپ.

جول اپاتى بەينەۋ اۋىلىندا 10 قىركۇيەك كۇنى ساعات 19:00 شاماسىندا ورىن العان. اپاتتى جاعدايداعى مەديسينا ورتالىعىنىڭ حابارلاۋىنشا، كولىك تىزگىنىن ۇستاعان جۇرگىزۋشى مەن التى جولاۋشى – بارلىعى دا وقيعا ورنىندا كوز جۇمعان.

«سوعىلعان كولىك قاتتى مىجىلىپ كەتكەن، سول سەبەپتى دە ونداعى ادامداردىڭ دەنەسىن كولىكتەن ارنايى تەحنيكامەن شىعارۋعا ءماجبۇر بولدىق»، - دەيدى اپاتتى جاعدايدا مەديسينا ورتالىعى.

كۋاگەرلەردىڭ ايتۋىنشا، كولىكتە ءبىر وتباسى مۇشەلەرى – اعاسى مەن قارىنداسى جانە ولاردىڭ بالالارى بولعان. بەلگىلى بولعانداي، ولار تويدان قايتىپ كەلە جاتقان ەكەن.

كۋاگەرلەر ۆيدەوسى