اقش پرەزيدەنتى دونالد ترامپ پرەزيدەنت رەتىندە العاش رەت 2001 جىلى 11 قىركۇيەكتەگى تەرروريستىك شابۋىل سالدارىنان قازا تاپقان 3000-عا جۋىق ادامدى ەسكە الۋ شاراسىنا قاتىساتىن بولادى، دەپ جازادى Qamshy.kz اقپارات اگەنتتىگى. 2001 جىلدىڭ 11 قىركۇيەگى – جولاۋشىلار ۇشاعىنىڭ نيۋ-يورك پەن پەنتاگونداعى بۇكىلالەمدىك ساۋدا ورتالىعىنا سوقتىعىسقان كۇن.

اق ءۇي پرەزيدەنت پەن اقش-تىڭ ءبىرىنشى حانىمى مەلانيا ترامپ نيۋ-يورك ۋاقىتى بويىنشا ساعات تاڭعى 9-دا ۆاشينگتوندا وتەتىن ۇنسىزدىك مينۋتىنا قاتىساتىنىن مالىمدەدى. ءدال سول ۋاقىتتا بۇكىلالەمدىك ساۋدا ورتالىعىندا ۇلكەن اپات بولعان.

سونداي-اق، پرەزيدەنت پەن ءبىرىنشى حانىم پەنتاگوندا وتەتىن اقش قورعانىس ءمينيسترى دجيم ماتتيس پەن گەنەرال دجوزەف دانفورد باستاعان ەسكە الۋ شاراسىنا قاتىسۋى ءتيىس.

ۆيسە-پرەزيدەنت مايك پەنس پەنسيلۆانيا شتاتىنداعى شەنسكۆيللدەگى شارا بارىسىندا ترامپ ۇكىمەتىنە وكىلدىك ەتۋدى جوسپارلاپ وتىر.

8 قىركۇيەك كۇنى، تەرروريستىك شابۋىلدىڭ 16 جىلدىعىنىڭ قارساڭىندا ترامپ 8 قىركۇيەك پەن 10 قىركۇەيك ارالىعىن «دۇعا ەتۋ جانە ەسكە الۋ» كۇنى، سونداي-اق 11 قىركۇيەكتى «پاتريوت كۇنى» ەكەنىن حابارلادى.