نارتاي دۇتبايەۆ «مەملەكەتتىك قۇپيانى جاريا ەتكەنى» جانە «قىزمەت وكىلەتتىگىن اسىرعانى» ءۇشىن ايىپتى دەپ تانىلىپ، وعان ۇكىم شىققان ەدى. 

ۇلتتىق قاۋىپسىزدىك كوميتەتىنىڭ بۇرىڭعى باسشىسى ءالنۇر مۇسايەۆ  وسى ىسكە قاتىستى juldyz.kz سايتىنىڭ تىلشىسىنە ءوز پىكىرىن ءبىلدىردى. 

"تاۋەلسىز باق-تىڭ جۋرناليستەرىنە ۇقك-نىڭ باسشىسى كارىم ماسىموۆتەن سۇحبات الۋ قاجەت. باستاپقىدا مەن «دۇتبايەۆ پەن ارىپتەستەرىمە نارتاي نۇرتاي ۇلىنىڭ ىسىنە قاتىستى سۇحبات بەرمەيمىن» دەپ ءسوز بەرگەم. ەندى سوت ۇكىم شىعارعاننان كەيىن حالىق شىندىقتى ءبىلۋ كەرەك. دۇتبايەۆ پەن باسقا دا ايىپتالۋشىلاردىڭ كۋالىگىنە سايكەس جانە ۇقك-نىڭ پروكۋراتۋراعا دايارلاعان ايىپتاۋ قورىتىندىسى بويىنشا، نارتاي دۇتبايەۆ ۇقك-نىڭ «ن» ەسىمدى قىزمەتكەرىمەن بىرىگىپ، 2002 جىلى ءابليازوۆتى ۇقك-نىڭ تىڭشىسى ەتۋگە وزدەرىنە تارتقان. م. ءابليازوۆتان ۇقك-مەن بىرلەسە جۇمىس جاسايمىن دەگەن قولحات الىپ، سارسەنباي ۇلى، ءتاجين، جاقيانوۆ جانە باسقا دا قدت (دۆك) باسشىلارى مەن جاقتاستارىنىڭ ۇستىنەن «دانوس» جازدىرتىپ العان. 2003 جىلى ءابليازوۆتىڭ وكىنىش بىلدىرگەنىن كامەراعا جازىپ الادى. ءابليازوۆتى ۇقك-نىڭ تىڭشىسى رەتىندە جاسالعان ءىس-قاعاز وتە قۇپيالى قۇجات بولىپ تىركەلگەن. 2006 جىلى نارتاي دۇتبايەۆ ۇقك-نىڭ باسشىلىعىنان كەتكەن كەزدە سول ماتەريالدى وزىمەن بىرگە الىپ كەتكەن. بۇل، قۇپيالاردى ساقتاۋ تۋرالى زاڭ بويىنشا، ورەسكەل قىلمىس بولىپ ەسەپتەلەدى. دۇتبايەۆ بۇل ماتەريالدار ارقىلى م. ءابليازوۆتان اقشا بوپسالاعان. سونىمەن قاتار، دۇتبايەۆ 2006 جىلى ا.سارسەنباي ۇلىنىڭ ولىمىنە قاتىستى كەيبىر قىزمەتتىك قۇجاتتاردى بەلگىسىز ءبىر ادامعا بەرگەن"، - دەپ قوعامعا بەلگىسىز قۇپيانى اشىق ايتتى.