ءدىن سالاسىنداعى وزەكتى ماسەلەلەرگە بايلانىستى جۋرناليستەر اراسىندا ۇزدىك شىعارمالارعا بايقاۋ جاريالاندى، دەپ جازادى Qamshy.kz اقپارات اگەنتتىگى. بايقاۋدى ۇلتتىق جۋرناليستىك زەرتتەۋ ورتالىعى الماتى قالاسى ءدىن ىستەرى باسقارماسىنىڭ الەۋمەتتىك ماڭىزدى جوبالارى نەگىزىندە ۇيىمداستىردى.

بايقاۋعا ءال-فارابي اتىنداعى قازۇۋ-دىڭ جۋرناليستيكا فاكۋلتەتى قولداۋ تانىتىپ وتىر. بايقاۋ 2017 جىلدىڭ 1 ماۋسىمى مەن 1 قازانى ارالىعىندا ۇيىمداستىرىلادى. جەڭىمپازداردى ماراپاتتاۋ 18 قازان – ق ر رۋحاني كەلىسىم كۇنى مەرەكەسى قارساڭىندا الماتى قالاسىندا وتەدى.

بايقاۋ جۇلدەسىنىڭ جالپى قورى – 1 000 000 تەڭگە.

بايقاۋدىڭ ماقساتى:

- ءدىني سەنىم بوستاندىعىنا بايلانىستى ق ر مەملەكەتتىك ساياساتىن، نەگىزگى ۇستانعان ۇستانىمىن، ساياساتىن ءتۇسىندىرۋ، قوعام نازارىن ءدىن سالاسىنداعى ءتۇرلى ماسەلەلەرگە اۋدارۋ؛

- ۇلت مۇددەسىنە نۇقسان كەلتىرەتىن ءتۇرلى ءدىني تەرىس اعىمدار مەن ەكسترەميستىك توپتارعا قارسى كۇرەستى كۇشەيتۋگە ۇلەس قوسۋ، جات پيعىلدى توپتارعا قارسى اقپاراتتىق كامپانيانى قۇرۋ؛

- بولاشاق ۇرپاق بويىنا ۇلتتىق ءدىل مەن ءداستۇر جونىندە تالىم-تاربيەنى ءسىڭىرۋ؛

بايقاۋ نوميناسيالارى:

ءدىني ەكسترمەميزمنىڭ الدىن الۋعا بايلانىستى بايقاۋ كەلەسى نوميناسيالار بويىنشا جۇرگىزىلەدى:

- ۇزدىك الەۋمەتتىك بەينەروليك؛

- ۇزدىك تەلە باعدارلاما؛

- ۇزدىك راديو باعدارلاما؛

- ينتەرنەت جەلىسىندەگى قازاق تىلىندەگى ەڭ ۇزدىك ماتەريال؛

- ينتەرنەت جەلىسىندەگى ورىس تىلىندەگى ەڭ ۇزدىك ماتەريال؛

- مەرزىمدىك باسىلىمدارداعى قازاق تىلىندەگى ەڭ ۇزدىك ماقالا؛

- مەرزىمدىك باسىلىمدارداعى ورىس تىلىندەگى ەڭ ۇزدىك ماقالا؛

- ۇزدىك ينتەرنەت جەلى؛

- الەۋمەتتىك جەلىلەردەگى ەڭ ۇزدىك بەلسەندى قوعامدىق توپ؛

- ەڭ بەلسەندى بلوگەر؛

بايقاۋ شارتتارى:

الماتى قالاسىندا تىركەلگەن باق-تاعى كەز كەلگەن جۋرناليست قاتىسا الادى. ب ا ق باسشىلىعىنىڭ رۇقساتى تالاپ ەتىلمەيدى. بايقاۋ ەكى تىلدە وتەدى.

بايقاۋعا 2017 جىلعى 1 ماۋسىمنان باستاپ 1 قازان ارالىعىندا جاريالانعان ماتەريالدار قابىلدانادى.

باستى قويىلاتىن تالاپ – قازاقستاننىڭ زايىرلى مەملەكەتتىك قۇرىلىمىن قاراپايىم ءارى ۇعىنىقتى تىلمەن ءتۇسىندىرۋ، مەملەكەتتىك ساياساتتىڭ زاڭنامالىق تالاپتارىن ۇعىندىرۋ، ءدىني ەكسترەميستىك اعىمداردى اشكەرەلەۋ، ءداستۇر مەن ءدىننىڭ ءوزارا بايلانىسىن جەتكىزۋ، ءدىني ەكسترەميزمنىڭ الدىن الۋ، تەرىس ءدىني توپتاردىڭ يدەولوگياسى مەن ولاردىڭ زياندىعىن اشىپ كورسەتۋ.

قاندايدا ءبىر ءدىني ۇستانىمدى نەمەسە ءدىندى ناسيحاتتاۋعا باعىتتالعان ماتەريالدار قابىلدانبايدى.

بايقاۋعا قاتىسۋشىلار ۇيىمداستىرۋ كوميتەتىنە (الماتى قالاسى، ءال-فارابي داڭعىلى، 71ء-ۇي، قازۇۋ-دىڭ جۋرناليستيكا فاكۋلتەتى، №218 بولمە، بايلانىس تەلەفونى: 87775654078) حابارلاسا الادى.

مىناداي قۇجاتتاردى قوسا جىبەرىلۋى ءتيىس:

1) جۋرناليست تۋرالى اقپارات:

- اۆتور تۋرالى ماعلۇمات /تۋعان جەرى، كۇنى، ايى، جىلى، تەلەفون؛

- جۇمىس ىستەيتىن ب ا ق انىقتاماسى.

2) بايقاۋ ماتەريالى جاريالانعان گازەت-جۋرنالدىڭ ءتۇپنۇسقاسى، سايتتاعى ماتەريال سكرينشوتپەن جانە قاعازدىق نۇسقاسى، تەلە-راديو باعدارلامالاردىڭ DVD، CD فورماتىنداعى ديسكىلەرگە جازىلعان نۇسقاسى (قاعازعا تۇسىرىلگەن نۇسقاسىمەن بىرگە).

بايقاۋ كەزەڭدەرى:

بايقاۋعا قاتىسۋشىلاردان ماتەريالداردى قابىلداۋ (1 قازانعا دەيىن)؛

ماتەريالداردى ساراپتاۋ جانە جەڭىمپازداردى انىقتاۋ (1-10 قازان ارالىعى)؛

بايقاۋ جەڭىمپازدارىن سالتاناتتى ماراپاتتاۋ (رۋحاني كەلىسىم كۇنى قارساڭى).

بايقاۋ جەڭىمپازدارىن ماراپاتتاۋ:

بايقاۋدى ۇيىمداستىرۋ كوميتەتى جۇرگىزىپ، جەڭىمپازداردى 5 نەمەسە 7 ادامنان تۇراتىن قازىلار القاسى تاڭدايدى. القا بايقاۋ ماراپاتى باستالعانشا قۇپيا تۇردە ساقتالادى. بايقاۋعا ۇسىنىلعان ماتەريالدار قايتارىلمايدى. بايقاۋ جەڭىمپازدارى ارنايى نوميناسيالار بويىنشا تاعايىندالعان اقشالاي جۇلدەلەرمەن جانە ارنايى ديپلومدارمەن ماراپاتتالادى.