ب. ساعىنتايەۆ ءباا پمك باسشىسى م. ال-گارگاۆيمەن كەزدەستى

/uploads/thumbnail/20170911190812514_small.png

ب. ساعىنتايەۆ ءباا پمك باسشىسى م. ال-گارگاۆيمەن كەزدەسۋ وتكىزدى دەپ حابارلايدى Qamshy.kz اقپارات اگەنتتىگى قازاقستان رەسپۋبليكاسىنىڭ پرەمەر-مينيسترىنىڭ باسپا ءسوز قىزمەتىنە سىلتەمە جاساي وتىرىپ.

كەزدەسۋ بارىسىندا ەكونوميكانىڭ ءتۇرلى سالالارىندا ەكىجاقتى قارىم-قاتىناستى دامىتۋ، ەلدەر اراسىندا ستراتەگيالىق سەرىكتەستىك ورناتۋ جانە بىرلەسكەن ينۆەستيسيالىق جوبالاردى ىسكە اسىرۋ ماسەلەلەرى تالقىلاندى. قازاقستاننىڭ ازىق-تۇلىك قاۋىپسىزدىگى جونىندەگى يسلام ۇيىمىن قۇرۋ، ءوزارا ينۆەستيسيالاردى ىنتالاندىرۋ جانە قورعاۋ تۋرالى كەلىسىم جوباسى تۋرالى، سونداي-اق استانا حالىقارالىق قارجى ورتالىعىن دامىتۋ اياسىندا ىنتىماقتاستىق تۋرالى قازاقستاننىڭ باستامالارىن ىسكە اسىرۋ تاقىرىپتارى قوزعالدى.

م. ال-گارگاۆي استانادا يسلام ىنتىماقتاستىق ۇيىمىنىڭ عىلىم جانە تەحنولوگيالار جونىندەگى ءبىرىنشى ءسامميتى مەن «ەكسپو-2017» وتكىزۋدىڭ جوعارى دەڭگەيىن اتاپ ءوتتى جانە قازاقستاننىڭ تاجىريبەسى دۋباي قالاسىندا كەلەسى «ەكسپو-2020» حالىقارالىق كورمەسىن لايىقتى وتكىزۋگە سەپتىگىن تيگىزەتىنىنە سەنىم ءبىلدىردى.ءوز كەزەگىندە باقىتجان ساعىنتايەۆ ءوزارا قارىم-قاتىناستى دامىتۋدىڭ وڭ قارقىنىن اتاپ ءوتتى جانە قازاقستاندىق تاراپ ونى ءارى قاراي نىعايتۋ مەن دامىتۋعا بارلىق كۇش-جىگەرىن سالادى دەپ سەندىردى.

ب. ساعىنتايەۆ ءباا پمك باسشىسى م. ال-گارگاۆيمەن كەزدەستى

قاتىستى ماقالالار