2014 جىلدان بەرى جالعاسىپ كەلە جاتقان يەمەندەگى سوعىستان 5 مىڭنان استام بەيبىت تۇرعىن قازا تاپتى. ولاردىڭ باسىم بولىگى وداقتاس ەلدەردىڭ اۋە شابۋىلىنان كوز جۇمعان. بۇل تۋرالى بۇۇ-نىڭ ادام قۇقىقتارى جونىندەگى جوعارعى كوميسسارى زەيد رااد ال-حۋسسەين مالىمدەدى دەپ جازادى Qamshy.kz اقپارات اگەنتتىگى.
حالىقارالىق ۇيىمنىڭ وكىلى ەلدەگى تىرىسقاق اۋرۋىنىڭ تارالۋىنا، ۇشاقتاردىڭ اۋرۋحانالار مەن ەمحانالاردى اتقىلاپ، قالالار مەن ەلدى مەكەندەردى قورشاۋعا الۋى سەبەپ ەكەنىن دە اتاپ ءوتتى. سوندىقتان جوعارعى كوميسسار يەمەندەگى ادام قۇقىقتارىنا قارسى جاسالعان قىلمىستاردى تەرگەۋ ءۇشىن حالىقارالىق تاۋەلسىز ورگان قۇرۋعا شاقىردى. ويتكەنى 60-تان استام حالىقارالىق جانە ۇكىمەتتىك ەمەس ۇيىم وسىنداي شاعىم تۇسىرگەن.
