قاتار بيلىگى اقش-تىڭ تەحاس شتاتىندا داۋىلدان جاپا شەككەن تۇرعىندارعا 30 ميلليون دوللار قاراجات اۋداردى دەپ حابارلايدى Qamshy.kz اقپارات اگەنتتىگى kazislam.kz-كە سىلتەمە جاساي وتىرىپ.
قاتار وسىلايشا حارۆي قۇيىنىنان زارداپ شەككەندەرگە گۋمانيتارلىق كومەك كورسەتكەن شەت مەملەكەتتەر اراسىندا كوش باستاپ وتىر.
«تەحاستىقتار كەز كەلگەن تابيعي قۇبىلىستاردان قايراتتى، ءومىر سۇرۋگە كۇش-قۋاتى جەتەدى، قاتار ولارعا كومەكتەسۋگە قاشاندا دايىن» دەيدى اقش-تاعى قاتار ەلشىسى.
سونىمەن قاتار، بىرىككەن اراب امىرلىگى دە داۋىلدان قيىندىققا ۇشىراعان حالىققا 10 ميلليون دوللار اۋداراتىنىن حابارلادى. تەحاس گۋبەرناتورى گرەگگ ەببوتت شتاتتاعى قايعىلى جاعدايعا الەم حالقىنىڭ ەرەكشە نازار اۋدارىپ، كومەككە ۇمتىلعاندارىنا ريزالىق ءبىلدىردى.
«تەحاس پەن قاتار اراسىندا بۇرىننان ارىپتەستىك ىنتىماقتاستىق بايلانىس بار. مەن قاتار ۇكىمەتىن قامقورلىعى مەن قايىرىمدىلىقتارى ءۇشىن قۇرمەتتەيمىن» دەپ اتاپ ءوتتى گۋبەرناتور.
