قازاقستان پرەزيدەنتى «ۇلتتىق عىلىمي كارديوحيرۋرگيا ورتالىعى» اكسيونەرلىك قوعامى باسقارماسىنىڭ ءتوراعاسى يۋريي پيانى قابىلدادى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا مەملەكەت باسشىسى استانادا وتكەن دۇنيەجۇزىلىك جۇرەك-قان تامىرلارى جانە توراكالدى حيرۋرگتەر قاۋىمداستىعى 27ء-شى كونگرەسىنىڭ وتاندىق مەديسينانى دامىتۋداعى ماڭىزى ەرەكشە بولعانىن اتاپ ءوتتى.
- قازاقستاندا العاش رەت بۇكىل الەم كارديوحيرۋرگتارىنىڭ كونگرەسى ۇيىمداستىرىلدى. بۇل وتاندىق حيرۋرگيا جەتىستىكتەرىنىڭ الەمدىك دەڭگەيدە مويىندالىپ وتىرعانىن بىلدىرەدى، - دەدى ەلباسى.
يۋريي پيا نۇرسۇلتان نازاربايەۆقا مىڭنان استام شەتەلدىك دەلەگاتتار قاتىسقان كونگرەستىڭ قورىتىندىلارى تۋرالى باياندادى.
«ۇلتتىق عىلىمي كارديوحيرۋرگيا ورتالىعى» اكسيونەرلىك قوعامى باسقارماسى ءتوراعاسىنىڭ مالىمەتى بويىنشا، دۇنيەجۇزىلىك قاۋىمداستىقتىڭ اتقارۋشى كوميتەتى بۇل كونگرەستى ەڭ ۇزدىك باسقوسۋلاردىڭ ءبىرى دەپ باعالاعان.
سوڭىندا قازاقستان پرەزيدەنتى يۋريي پياعا الداعى جۇمىستا تابىس پەن جاڭا جەتىستىكتەر تىلەدى.
