شىمكەنتتە پوليسيا قىزمەتكەرلەرى 10 جاستاعى نۇركەن قۇرالبەكتى ىزدەستىرىپ جاتىر. ول كومەكشى مەكتەپ-ينتەرناتتا وقىعان ەكەن. 12 قىركۇيەكتە بەلگىسىز باعىتقا شىعىپ كەتىپ، سول كۇيى قايتا ورالماعان دەپ حابارلايدى Qamshy.kz اقپارات اگەنتتىگى وقو ءىىد باسپا ءسوز قىزمەتىنە سىلتەمە جاساپ.
نۇركەندى ىزدەپ پوليسەيلەرگە اكەسى ارىزدانىپ كەلگەن. ايتۋىنشا، بالاسىنىڭ جۇيكە جۇيەسى بۇزىلعان ەكەن. ول باياۋ جانە تۇسىنىكسىز سويلەيدى. بويى 133 سم، ارىق دەنەلى، قارا شاشتى. ۇستىندە قارا ءتۇستى سپورتتىق كوستيۋم بولعان. اياعىنداعى اياق كيىمى دە قارا ءتۇستى.
قازىرگى تاڭدا شىمكەنتتىك پوليسەيلەر شۇعىل ىزدەۋ جۇمىستارىن جۇرگىزىپ جاتىر. ءتارتىپ ساقشىلارى ەگەر جەتكىنشەكتى كورگەن-بىلگەندەر بولسا «102» تەلەفون نومەرىنە حابارلاسۋىن سۇرايدى.
