2017 جىلدىڭ 14 قىركۇيەگىندە، ساعات 18.00-دە قالا كۇنى مەرەكەسىنە جانە «الاتاۋ» ءداستۇرلى ونەر تەاترىنىڭ» قۇرىلعانىنا ءبىر جىل تولۋىنا وراي «الاتاۋ الابىندا» اتتى ءداستۇرلى ونەر كەشى وتەدى،- دەپ حابارلايدى Qamshy.kz اقپارات اگەنتتىگى.

ەلباسى نۇرسۇلتان ءابىش ۇلى نازاربايەۆتىڭ ىزگى باستاماسىمەن، الماتى قالاسىنىڭ اكىمى باۋىرجان قىدىرعالي ۇلى بايبەكتىڭ قولداۋىمەن قۇرىلعان تەاتر – سان عاسىرلار بويى اتتىڭ بەلى، اتاننىڭ قومىندا ءجۇرىپ ەگەمەندىكتى اڭساعان اسىل بابالارىمىزدىڭ، بايىرعى ونەر يەلەرىنىڭ ارمان-اڭسارىن ارقالاعان ەلىمىزدەگى العاشقى ونەر ورداسى. سونىمەن قاتار، قازاقستاننىڭ بارلىق ايماقتارىنا ءتان ءداستۇرلى ونەر تۇرلەرىن ءبىر ارناعا توعىستىرىپ، زاماناۋي ۇردىستەرگە ساي دامىتا ناسيحاتتايتىن، ۇلتتىق ونەردىڭ بولاشاعىن زەردەلەۋگە باعىتتالعان ازىرگە جالعىز مادەنيەت وشاعى.

اتالعان مەرەكەلىك ءىس-شاراعا قازاق ءداستۇرلى ونەرىنىڭ حاس شەبەرلەرى: ساۋلە جانپەيىسوۆا، جاكەن وماروۆ، ەركىن شۇكىمانوۆ، رامازان ستامعازييەۆ، ايگۇل ۇلكەنبايەۆا، ۇلجان بايبوسىنوۆا، باتىرجان مىقتىبايەۆ، ايگۇل قوسانوۆا، سايان اقمولدا، ەربول ايتبايەۆ، جانعالي جۇزبايەۆ، ەلميرا جاڭابەرگەنوۆا،  قايرات كاكىموۆ، تالعات مۇقىشيەۆ،  ارداق يساتايەۆا، تىلەۋلەس قۇرمانعالييەۆ، گۇلميرا سارينا، نۇركەن ءاشىروۆ، كلارا تولەنبايەۆا سىندى ساحنا مايتالماندارى قاتىسادى.

قالا كۇنى مەرەكەسى اياسىندا ءوتىپ جاتقان تەاتردىڭ مەرەكەلىك كەشىنە  ءداستۇرلى ونەر يەلەرىنىڭ قاتىسۋى، ەلىمىزدىڭ ءار تۇكپىرىنەن كەلىپ الماتى الابىندا جينالۋى – ۇلتتىق ونەرگە دەگەن قۇرمەت، سول ونەردىڭ ناسيحاتى ءۇشىن ارنايى تەاتر اشىلۋىنا ىقپال ەتكەن ەلباسىنا كورسەتىلگەن ءىلتيپات دەپ بىلەمىز.

سونداي-اق، ساعات 11.00-دە قازاقستاننىڭ ءار ايماعىنان جينالعان ونەرپازدار مەن «الاتاۋ» ءداستۇرلى ونەر تەاترى» اراسىندا ىنتىماقتاستىق كەلىسىم – مەموراندۋم وتكىزىلەدى.

وتەتىن ورنى: «الاتاۋ» ءداستۇرلى ونەر تەاترى

بايلانىس تەل.: 8707-838-36-34، 8707-313-91-63