استانا قالاسى ءماسليحاتىنىڭ كەزەكتى سەسسياسىنا دايىندىق اياسىندا حالىق قالاۋلىلارى ەلوردانىڭ يندۋستريالدى اۋماعىن ارالادى. دەپۋتتارمەن كەزدەسۋ بارىسىندا وندىرىسشىلەر شەشىمىن تاپپاعان ءبىرقاتار ماسەلەلەردى كوتەردى. بۇل تۋرالى Qamshy.kz اقپارات اگەنتتىگى استانا قالاسى اكىمدىگىنىڭ باسپا ءسوز قىزمەتى مالىمەتىنە سۇيەنىپ حابارلايدى. 

استانا قالاسى ءماسليحاتىنىڭ دەپۋتاتتارى ەلوردانىڭ يندۋستريالدى اۋماعىندا ورنالاسقان 4 وندىرىستىك كاسىپورىنعا باردى. ولار - «Ipek Kagit Central Asia» ج ش س تۇرمىستىق جانە سانيتارلىق گيگيەنالىق قاعاز ءونىمىن ءوندىرۋ زاۋىتى، «Led Solution» ج ش س جارىق  ديودتى ءونىم شىعاراتىن ءوندىرىس زاۋىتى، «سپەسەلەكترا» ج ش س ەلەكتر جابدىعىن شىعاراتىن زاۋىت، «Industrial Company «Zoom» ج ش س ۇلتتىق  ەلتاڭبا شىعاراتىن زاۋىت.

استانا قالاسى ءماسليحاتىنىڭ دەپۋتاتى، بيۋدجەتتى كوميسسيا ءتوراعاسى ميراس شەكەنوۆ اتاپ وتكەندەي، وندىرىسشىلەر كوتەرگەن ماسەلەلەر جۇيەلىلىك كەيپىندە. ول تەڭگەنىڭ كۋرسىنا قاتىستى. وعان قوسا جىلىتۋ بويىنشا ماسەلە بار.

ء-مالىم بولعانداي، يندۋستريالدى ايماق اۋماعىندا 60-تان استام جوبا ىسكە اسىرىلۋدا. مەنىڭ بىلىۋىمشە، بۇگىندە ولاردىڭ 42ء-ى  جۇمىس ىستەيدى.  ءبىز 4 كاسىپورىنعا باردىق. وندىرىسشىلەر كوتەرگەن ماسەلەلەر جۇيەلى تۇردە بولىپ تۇرادى ەكەن. ول شيكىزاتتىڭ شەت ەلدەن ساتىپ الىناتىنىنا بايلانىستى، تەڭگەنىڭ كۋرسىنا قاتىستى ماسەلە بار. ونىمەن بىرگە جىلىتۋعا قاتىستى ماسەلە ءالى شەشىمىن تاپقان جوق. بۇل ماسەلە دەپۋتتارمەن ءماسليحاتتىڭ وتىرىسىندا بىرنەشە رەت كوتەرىلگەن بولاتىن. ءقازىر بۇل ماسەلەنى ءبىز قايتا ءماسليحاتتىڭ كەزەكتى سەسسياسىندا كوتەرەتىن بولامىز. يندۋستريالدى اۋماق دامىعان، جەس دا وسى جەردە، دەگەنمەن جىلۋ جوق. بۇل ماسەلەنى شەشۋدە جۇمىس ىستەۋ كەرەك، ينۆەستورلار ءۇشىن جوبا قىزىقتى بولۋ ءۇشىن ەڭبەكتەنۋ قاجەت، - دەدى ميراس شەكەنوۆ.

وعان قوسا كەزدەسۋ بارىسىندا وندىرىسشىلەر ءونىمدى ساتۋدا كەزدەسەتىن كەيبىر ماسەلەلەر جونىندە ايتتى. ماسەلەن،تۇرمىستىق جانە سانيتارلىق گيگيەنالىق قاعاز ءونىمىن وندىرەتىن  زاۋىتتىڭ ءوز باعاسىنا ءونىمدى ساتۋدا پروبلەماسى بار.

– «Ipec Kagit Central Asia» ءجشس-نىڭ ءونىمدى ءوز باعاسىنا ساتۋدا پروبلەمالار بار. بۇگىندە ولار تولىق قۋاتتىلىققا شىعا الماي وتىر. كاسىپورىن جىلىنا 3500 توننا ءونىم وندىرەدى، دەگەنمەن ولار جىلىنا بۇل كورسەتكىشتى ەسەلەپ، قۋاتتىلىقتى 16 000 تونناعا دەيىن ارتتىرا الادى.  «سپەسەلەكترا» وندىرىسىنە  قاتىستى، ءبىزدىڭ جوبالار بۇرىنعى تەحنولوگيا بويىنشا جۇمىس ىستەيدى. ەسكى تەحنولوگيا بويىنشا جۇمىس ىستەۋدە كوپ ۋاقىت كەتەدى، - دەپ اتاپ ءوتتى ءماسليحات دەپۋتاتتارى.

وندىرىسشىلەر كوتەرگەن بارلىق ماسەلەلەر وڭىرلىك ينۆەستيسيالىق ساياساتتى ىسكە اسىرۋ جانە ينۆەستيسيانى تارتۋدا ستراتەگيانى قالىپتاستىرۋ بويىنشا اتقارۋشى ورگاننىڭ جۇمىسىنا ارنالعان ءماسليحاتتىڭ كەزەكتى سەسسياسىندا قاراستىرىلادى.

ايتا كەتەيىك، استانا قالاسى ءماسليحاتىنىڭ دەپۋتاتتارى ەلوردانىڭ ءبىرقاتار وندىرىستىك كاسىپورنىنا بارادى.