استانا قالاسى ارداگەرلەر كەڭەسىنىڭ ءتوراعاسى سانسىزباي ەسىلوۆ تە قازاق ءالىپبيىنىڭ لاتىن گرافيكاسىنا كوشۋىن قولدادى. ارداگەرلەر سوزىنشە، ماڭىزدى وقيعا قازاقستاننىڭ العا قادام باسۋىنا، ەۋروپاعا جانە عالامتوردىڭ دۇنيەجۇزىلىك جەلىسىنە جول اشادى. بۇل تۋرالى Qamshy.kz اقپارات اگەنتتىگى استانا قالاسى اكىمدىگىنىڭ باسپا ءسوز قىزمەتى مالىمەتىنە سۇيەنىپ حابارلايدى.

- مەن بۇل ەل تاريحى ءۇشىن ماڭىزدى وقيعا دەپ سانايمىن. لاتىن الىپبيىنە كوشۋ ەل ازاماتتارىنا ءبىر قادام العا باسۋىنا مۇمكىندىك بەرەدى. ادامدار شەتەلدە ءجۇرىپ ەركىن باعىت-باعدار تابا الادى. مۇنى ءبىز ەرتەرەك، جۇزەگە اسىرساق، سوعۇرلىم ول ءبىز ءۇشىن جاقسى بولادى، - دەپ ارداگەر ءوز پىكىرىن ءبىلدىردى.

سانسىزباي ەسىلوۆ پرەزيدەنتتىڭ بۇل باستاماسىن تولىعىمەن قولدايدى. 
- ءسوزسىز، مەن ەلباسىنى قولدايمىن  بىزدەرگە، ارداگەرلەرگە جاڭا ءالىپبيدى ۇيرەنۋ قيىن بولادى. ءبىراق ءبىز مەڭگەرۋگە تىرىسامىز. ويتكەنى بۇل مەملەكەت يگىلىگى ءۇشىن اسا قاجەت، - دەيدى ول. 

ەستەرىڭىزگە سالامىز، اعىمداعى جىلدىڭ ءساۋىر ايىندا مەملەكەت باسشىسى نۇرسۇلتان نازاربايەۆ 2017 جىلدىڭ سوڭىنا دەيىن قازاقستاندا قازاق ءالىپبيىنىڭ لاتىنعا كوشۋى بويىنشا جوباسىن قۇرۋدى تاپسىردى. ورىس تىلىندە شىعاتىن باسىلىمدار كيريلليسادا جارىققا شىعا بەرەدى.