ءدىن ىستەرى جانە ازاماتتىق قوعام مينيسترلىگى ساراپشىلارمەن بىرگە جاستارعا ارنالعان الەۋمەتتىك ليفتىلەر جۇيەسىن تالقىلادى، دەپ حابارلايدى Qamshy.kz اقپارات اگەنتتىگى ق ر ءدىن ىستەرى جانە ازاماتتىق قوعام مينيسترلىگىنىڭ باسپا ءسوز قىزمەتىنە سىلتەمە جاساپ.

قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى 2017 جىلعى 12 قىركۇيەكتە استانا قالاسىندا جاستار عىلىمي-زەرتتەۋ ورتالىعىنىڭ بازاسىندا «جاستارعا الەۋمەتتىك ليفتىلەردىڭ جۇيەسى: جاعدايى مەن بولاشاعى» تاقىرىبىندا ساراپشىلار وتىرىسىن وتكىزدى.

وتىرىسقا رەسپۋبليكالىق «جاس وتان»، «قازاقستان جاستارىنىڭ كونگرەسى»، «جاس ۇلان» جانە ت.ب. جاستار ۇيىمدارىنىڭ جەتەكشىلەرى، ساياساتتانۋشىلار، عىلىمي-زەرتتەۋ ينستيتۋتتارىنىڭ وكىلدەرى، بەلسەندى جاستار جانە تاۋەلسىز ساراپشىلار قاتىستى.

ءىس-شارادا مەملەكەت باسشىسىنىڭ رۋحاني جاڭعىرۋ باعدارلاماسىن جۇزەگە اسىرۋ ماقساتىندا زاڭنامالىق جانە نورماتيۆتىك قۇقىقتىق اكتىلەردى قايتا باعدارلاۋ ءۇشىن «قازاقستان 2020: بولاشاققا جول» مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداماسىن ىسكە اسىرۋ جونىندەگى ءىس-شارالار جوسپارىنىڭ (ەكىنشى كەزەڭ – 2016 – 2020 جىلدار)» جاڭا جوباسى تانىستىرىلدى.

ساراپشىلار ءوز كەزەگىندە اتالعان جوسپار جوباسىنا قاتىستى ءوز پىكىرلەرىمەن ءبولىسىپ، ۇسىنىستارىن ايتتى. 

سونداي-اق، شاراعا قاتىسۋشىلار جاستار اراسىندا ەرتە كاسىبي باعدار بەرۋ جۇمىستارىن قولعا الۋ، جاستاردى تەحنيكالىق ماماندىقتارعا ىنتالاندىرۋ، ولاردىڭ بوس ۋاقىتىن ءتيىمدى ۇيىمداستىرۋ، ۇيىمداستىرىلماعان جاستارعا ارنالعان ءىس-شارالار وتكىزۋ، جاستار باستامالارىن قولداۋ ۇيىمدارىنىڭ جۇمىستارىن ارتتىرۋ جانە تاۋەلسىز ساراپشىلار پۋلىن قۇرۋ  ماسەلەلەرى كوتەرىلدى.

وتىرىس قورىتىندىسى بويىنشا قازاقستان رەسپۋبليكاسى ءدىن ىستەرى جانە ازاماتتىق قوعام ءمينيسترى ابزال نۇكەنوۆ ساراپشىلاردىڭ ۇسىنىستارى مينيسترلىك تاراپىنان ازىرلەنەتىن ستراتەگيالىق قۇجاتتاردى دايىنداۋ بارىسىندا ەسكەرىلەتىنىن حابارلادى.

سونىمەن قاتار، ول الداعى ۋاقىتتا ءارتۇرلى وتكىر ماسەلەلەر بويىنشا ساراپشىلارمەن وسىنداي كەزدەسۋلەر تۇراقتى تۇردە وتكىزىلىپ تۇراتىندىعىن جەتكىزدى.