روحيندجا مۇسىلماندارىنا جاسالعان زورلىق-زومبىلىق ىستەرىنە بايلانىستى ميانما باسشىسى اۋن سان سۋ چيگە كوپتەگەن ەلدەردەن نارازىلىقتار كۇشەيە تۇسكەندىكتەن، ول بۇۇ باس اسسامبلەياسىنىڭ ىستەرىنە قاتىستىرىلمايتىن بولدى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.

بۇۇ-نىڭ قاۋىپسىزدىك كەڭەسى بۇگىن ميانماداعى قاندى قىرعىنعا قاتىستى كەزەكتەن تىس ءماجىلىس اشتى. حالىقارالىق قاۋىمداستىقتىڭ مالىمەتىنە سۇيەنسەك، روحيندجا مۇسىلماندارىنا قارسى اسكەري ارەكەتتەن 400-دەن استام ادام قازا بولىپ، 370 مىڭ حالىق بانگلادەشكە باس ساۋعالاپ قاشىپ بارعان. سونىمەن بىرگە ايماقتا كەيبىر اۋىلدار تۇگەلىمەن ورتەنىپتى.

بۇۇ وسى جايتتارعا بايلانىستى، ميانما ۇكىمەتىن ەتنيكالىق قىرعىنعا جول بەرگەنى ءۇشىن ايىپتادى. ال ميانما ۇكىمەتى بولسا وزدەرىنىڭ روحيندجانىڭ بۇلىكشى كۇشتەرىمەن كۇرەسىپ جاتقانىن، قاراپايىم حالىقتىڭ زارداپ شەگىپ جاتپاعانىن ايتۋدا. الايدا ميانما ۇكىمەتى نە دەسە دە، تۇرعىندارىنىڭ باسىم كوبى بۋدديستتەردەن تۇراتىن راكحاين شتاتىنداعى مۇسىلماندارعا جاسالعان قىسىمدى جاسىرا المايتىنى بەلگىلى. ءارى روحيندجا مۇسىلماندارى بىرنەشە جىلدان بەرى ميانمادا ءومىر سۇرىپكەلە جاتقانىنا قاراماستان ميانما ۇكىمەتى ولادى بوسقىن رەتىندە ساناپ كەلگەن. الەمدىك قاۋىمداستىق جانە كوپتەگەن ەلدىڭ ۇكىمەتتەرى ميانما باسشىسىن "قىرعىندى توقتاتىپ، مۇسىلمانداردى قورعاۋعا ەشقانداي ارەكەت ەتپەدى" دەپ ايىپتاپ وتىر.

ايتا كەتەتىن بولساق، اۋن سان سۋ چي وسىدان ەكى جىل بۇرىن بيلىك باسىنا كەلگەن. ودان بۇرىن دەموكراتيانى قولداۋ كەزىندەگى ارەكەتتەرى ءۇشىن 15 جىل ءۇي قاماعىندا بولىپتى. وسى ءۇشىن دە وعان بەيبىتشىلىك نوبەل سىيلىعى بەرىلگەن.