الماتىدا 1 تامىزدان باستاپ قوعامدىق كولىكتەردە سارالانعان تاريف ەنگىزىلگەن بولاتىن. «وڭاي» ج ش س بۇگىن اۆتوپاركتەرگە تۇسەتىن 1 ملرد. تەڭگەدەن استام ءتۇسىم كولەڭكەلى اينالىمنان شىققانىن مالىمدەدى، دەپ حابارلايدى Qamshy.kz اقپارات اگەنتتىگى.

الماتىلىقتار اراسىندا «وڭاي» كارتاسىن قولدانۋشىلار سانى 3،5 ەسەگە ارتقان. «وڭاي» ءجشس-نىڭ مالىمدەۋىنشە، سارالانعان تاريف ەنگىزىلگەلى بەرى ءبىر جارىم اي ىشىندە اۆتوپاركتەرگە 2 ملرد. تەڭگەگە جۋىق ءتۇسىم تۇسكەن. قىركۇيەكتىڭ 1ء-ى مەن 12ء-سى ارالىعىنداعى ترانزاكسيالاردىڭ جالپى كولەمى 28،2 ملن. تەڭگە بولدى. بۇل شىلدە ايىنداعى كورسەتكىشتەن 139 پايىزعا (11،8 ملن. تەڭگەگە) جوعارى.

وسى ايدىڭ 12 كۇنىندە اۆتوپاركتەر ءتۇسىمى 543 ملن. تەڭگەگە جەتىپ، «وڭاي» كارتاسىمەن جاسالعان ترانزاكسيالار كولەمى 9 ميلليونعا جۋىقتاعان.

«سوڭعى مالىمەتتەر سارالانعان تاريف ەنگىزۋ شەشىمىنىڭ قانشالىقتى ماڭىزدى بولعانىن دالەلدەپ وتىر. ءقازىر اۆتوپاركتەردىڭ شىنايى قارجىلاي اينالىمى مەن جولاۋشىلار تاسىمالىنىڭ ناقتى كولەمىن كورىپ وتىرمىز. قالا اكىمشىلىگىنە جىبەرىلەتىن بۇل مالىمەتتەر الماتى قالاسىنىڭ قوعامدىق كولىك سالاسىن دامىتۋعا سەپتىگىن تيگىزەدى»، - دەدى «الماتى قالاسىنىڭ كولىك حولدينگى» ج ش س ديرەكتورى سادير حامرايەۆ.

سارالانعان تاريف ەنگىزىلگەنىمەن، 80 تەڭگە كولەمىندەگى نەگىزگى جولاقى باعاسى وزگەرىسسىز قالىپ، بارلىق جەڭىلدىكتەر سول قالپىندا ساقتالدى.

ەسكە سالساق، 1 تامىزدان باستاپ الماتىنىڭ قوعامدىق كولىكتەرىنە سارالانعان تاريف ەنگىزىلدى. «وڭاي» كارتاسىن قولدانۋشىلار 80 تەڭگە تولەسە، قولما-قول ەسەپ ايىرىسۋ 150 تەڭگەنى قۇرايدى. بۇل رەتتە، «وڭاي» كارتاسى ارقىلى بارلىق جەڭىلدىكتەر ساقتالعان.

ايتا كەتەر بولساق، الماتىلىق كومپانياعا “وناي” تولەم جۇيەسى قولدانىسقا تۇسكەن العاشقى بەس كۇندە 140 ملن تەڭگە تابىس اكەلگەن بولاتىن. 

سارالانعان تاريف ەنگىزىلگەن ەكى اپتانىڭ ىشىندە «وڭاي» كارتاسى ارقىلى 7 584 651 ترانزاكسيا جاسالعان. بۇل سارالانعان تاريف ەنگىزىلگەنگە دەيىنگى  كورسەتكىشپەن سالىستىرعاندا ەكى ەسەگە ارتىق بولدى. سونداي-اق جاڭا تاريف ەنگىزىلگەننەن بەرى بەرى قولما-قول ەسەپ ايىرىسۋ ءتورت ەسەگە ازايعان.

كارتا پايدالانىلعان العاشقى ءۇش كۇندە قالالىق جولاۋشىلار تاسىمالى وكىلدەرى كىرىستەرىن 60 پايىزعا تومەندەتىپ العان. اۆتوپارك جەتەكشىسىنىڭ ايتۋىنشا، “وڭايدىڭ” اينالىمعا شىعۋى ولاردى بانكروتقا ۇشىراتا جازداعان.

جاڭا تولەم جۇيەسىن ەنگىزۋ ارقىلى قالا باسشىلىعى اۆتوبۋستار مەن تروللەيبۋستەر پاركىن جاڭارتىپ، جولاۋشىلاردىڭ قارجىسىن جەكە پارك باسشىلىعى مەن جۇرگىزۋشىلەردىڭ قالتاسىنا ەمەس، جولداردى اباتتاندىرۋعا باعىتتاعان بولاتىن.

بۇل كارتا قوعامدىق كولىكتىڭ بارلىق تۇرىنە جارامدى بولىپ تابىلادى. مەكتەپ وقۋشىلارى، ستۋدەنتتەر مەن زەينەتكەرلەر ءۇشىن جەڭىلدىكتەر قاراستىرىلعان. ولار جول اقىسىنىڭ 50 پايىزىن عانا تولەيدى. ال جاسى 75-تەن اسقان قارتتار مەن سوعىس ارداگەرلەرىنە تەگىن. ءقازىر 50 پايىز جەڭىلدىگى بار ءبىرىڭعاي كارتالاردىڭ 214 مىڭ ساتىلعان. ءبىراق بۇل تولەم جۇيەسىنە كوڭىلى تولمايتىندار دا بار.