سەرىك احمەتوۆ بۇگىن تاڭەرتەڭ بوستاندىققا شىقتى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساي وتىرىپ. قاراعاندى وبلىسىنداعى كولونيانىڭ الدىندا ب ا ق وكىلدەرى جينالدى. سەرىك احمەتوۆ كولونيادان شىعىپ، كولىگىنە وتىرىپ، جاقىندارىمەن بىرگە كەتىپ قالدى.

"بولاشاققا ءالى جوسپار قۇرمادىم. نەمەن اينالىساتىنىمدى ۋاقىت كورسەتەدى. ال ءقازىر ۇيگە بارامىن"، - دەپ جاۋاپ بەردى ول جۋرناليستەرگە.

ايتا كەتەيىك، سەرىك احمەتوۆ جازاسىن قاراعاندى وبلىسىنداعى قاراباس اۋىلىندا اك159/18 كولونياسىندا وتەگەن بولاتىن.

ەسكە سالايىق، سەرىك احمەتوۆ 2014 جىلدىڭ قاراشاسىندا ءۇي قاماۋىنا الىنعان بولاتىن. سوت وتىرىسى 2015 جىلدىڭ تامىزىندا باستالىپ، ءتورت ايعا جالعاستى. قىلمىستىق ءىس 338 تومعا جەتتى، ونىڭ 9 تومى ايىپتاۋ اكتىسى. جالپى 82 سوت وتىرىسى ءوتتى. ءىس بويىنشا 260 كۋاگەردەن جاۋاپ الىندى. پروسەسسكە 4 مەملەكەتتىك ايىپتاۋشى جانە 42 ادۆوكات پەن قورعاۋشى قاتىستى. قازىرگى زاڭناماعا سايكەس، سوتتىڭ ءادىل ءوتۋى ءۇشىن وتىرىستىڭ اشىق ساياساتىن ۇستانۋ بويىنشا سايكەس شارالار جۇرگىزىلدى. ال 2015 جىلدىڭ جەلتوقسانىندا سوت ونى 10 جىلعا باس بوستاندىعىنان ايىرعان بولاتىن. كەلگەن شىعىندى وتەگەننەن كەيىن ونىڭ جازاسى 8 جىلعا قىسقارعان.