قىركۇيەكتىڭ 23، 24 كۇندەرى الماتى قالاسىندا قولونەرشىلەر جانە سۋرەتشىلەردىڭ جارمەڭكەسى وتەدى دەپ حابارلايدى Qamshy.kz اقپارات اگەنتتىگى. قولونەر جارمەڭكەسى ساعات 10.00-دەن 18.00-گە دەيىن  ع. مۇسرەپوۆ اتىنداعى  قازاق بالالار جانە جاسوسپىرىمدەر تەاترىنىڭ الاڭىندا جۇمىس ىستەيدى. جارمەڭكەگە قازاقستان، وزبەكستان، قىرعىزستان جانە رەسەيدەن كەلەتىن قولونەرشىلەر قاتىسادى.

وندا  ەتنوستيلدە كيىمدەر، اياق كيىم جانە اشەكەيلەر، كيىزدەن جاسالعان پاننو جانە قولدان جاسالعان كادەسىيلار، قازاقي كادەسىيلار، اعاشتان جانە كەراميكادان جاسالعان  ىدىس-اياقتار، قازىرگى زامانعا ساي كۇمىس جانە بيسەردەن جاسالعان اشەكەيلەر، قولدان جاسالعان كەرەمەت سومكەلەر مەن ويىنشىقتار، قازاقستاندىق اگاتپەن جاسلاعان اشەكەيلەر مەن تابيعي تاستاردان جاسالعان كادەسىيلار، باس كيىمدەر، شارفتار، كيىزدەن جاسالعان اياق كيىمدەر مەن كوپتەگەن زاتتار تابا الاسىزدار.

سەنبى جانە جەكسەنبى كۇندەرى جارمەڭكەدە "شەبەرلىك سىنىپتارى شاتىرى" جۇمىس ىستەتيتىن بولادى.

23 قىركۇيەكتە ساعات 12.00-دەن 15.00گە دەيىن سيەۆا دەميدوۆ ماستەر-شوۋ وتكىزەدى. كورەرمەندەرگە ەسكى قولدانىلمايتىن تيىنداردان كوركەم بۇيىمدى قالاي جاساۋعا بولاتىنى كورسەتىلەدى. سۋرەتشىلەر  تۇيمەلەر، ساقينالار جاسايدى.

24 قىركۇيەك ساعات 12. 00-دەن 15.00-گە دەيىن شەبەرلىك سىنىپقا قاتىسۋشىلار ۇستا نۋريا احمەتوۆانىڭ باسشىلىعىمەن ءوز تەلەفوندارىنا قاپتاما جاساۋدى ۇيرەنە الادى. 

ونىڭ باعاسى - 500 تەنگە.

   23 قىركۇيەكتە بولات سارىبايەۆ اتىنداعى «سارىاركا» شەبەرحاناسىنىڭ مۋزىكانتتارىنىڭ ورىنداۋىندا قازاق حالىق مۋزىكاسىنىڭ قويىلىمى بولادى.

24 قىركۇيەكتە ساعات 14.00دەن 17.00-گە دەيىن"RASAETHNO" توبىنىڭ مۋزىكاسى ويناتىلادى.توپ ەتنوستيلدە  جۇمىس جاسايدى. اتالمىش توپ اۆستراليي، جاپونيا، سولتۇستىك امەريكا، ەۋروپا، ورتالىق ازيا، ءۇندىستان جانە باتىس افريكا  حالىقتارىنىڭ مۋزىكالىق اۋەندەرىن بىرلەستىرگەن. 

"اي شەبەرى " شاتىرىندا اشەكەيلەر ۇستاسى رافاەل ۋزەيەۆپەن تانىسا الاسىزدار. ول كىسىدەن وزدەرىڭىزگە 925 سىنامالى كۇمىستەن جانە تابيعي تاستاردان جاسالعان سىرعا جانە ساقينالار تاڭداپ الا الاسىزدار نەمەسە جەكە تاپسىرىس جاساي الاسىزدار.