اتموسفەرالىق فرونتتاردىڭ وتۋىنە بايلانىستى 23 قىركۇيەك كۇنى ەل اۋماعىنىڭ باسىم بولىگىندە جاۋىن-شاشىن جاۋىپ، نايزاعاي وينايدى. جاۋىن-شاشىنسىز كۇن رايى ەلدىڭ تەك وڭتۇستىگى مەن باتىسىندا كۇتىلەدى. رەسپۋبليكانىڭ كەي جەرلەرىندە تۇمان بولىپ، جەل كۇشەيەدى، وڭتۇستىكتە جەل شاڭدى داۋىلمەن بىرگە سوعادى.

بۇل تۋرالى  “قازگيدرومەت” رمك-عا سىلتەمە جاساپ Qamshy.kz اقپارات اگەنتتىگى حابارلايدى.

پاۆلودار وبلىسىندا جەل 15-20 م/س كۇشەيىپ، جەكەلەگەن اۋماقتاردا تۇمان كۇتىلەدى. اقمولا، سولتۇستىك قازاقستان، قاراعاندى، اقتوبە وبلىستارىنىڭ كەي جەرلەرىندە تۇمان بولىپ، جەل 15-20 م/س ارتادى. وڭتۇستىك قازاقستان، اتىراۋ، باتىس قازاقستان، شىعىس قازاقستان، قىزىلوردا وبلىستارىندا، كۇندىز جامبىل، ماڭعىستاۋ، الماتى وبلىستارىندا جەلدىڭ ەكپىنى 15-23 م/س كۇشەيەدى، قىزىلوردا وبلىسىندا جەل شاڭدى داۋىلمەن بىرگە سوعادى.

قوستاناي وبلىسىنىڭ كەي جەرلەرىن تۇمان باسىپ، كۇندىز 18 م/س جىلدامدىقتا جەل تۇرادى.  اقمولا، سولتۇستىك قازاقستان، پاۆلودار وبلىستارىندا، اقتوبە، قوستاناي، قاراعاندى، شىعىس قازاقستان وبلىستارىنىڭ كەي جەرلەرىندە تۇندە 1-6 گرادۋس اياز بولۋى مۇمكىن. سونداي-اق وڭتۇستىك قازاقستان، قىزىلوردا، جامبىل، الماتى وبلىستارىندا، باتىس قازاقستان، اتىراۋ، اقتوبە، قوستاناي، قاراعاندى وبلىستارىنىڭ كەي جەرلەرىندە جوعارى ءورت ءقاۋپى ساقتالادى.