تۇركيادا تانىمال سيريا وپپوزيسيا بەلسەندىسى جانە ونىڭ جۋرناليست قىزى قازا تاپتى دەپ حابارلايدى Qamshy.kz اقپاراتتىق اگەنتتىگى. 

60 جاستاعى ورۋبا باراك پەن ونىڭ 22 جاسار قىزى حاللانىڭ دەنەلەرى ىستانبۇلداعى ۋسۋكۋدار اۋدانىنداعى پاتەردە دوستارىنىڭ حابارلاۋى بويىنشا تابىلدى.  

ورۋبانىڭ اپكەسى شازانىڭ ايتۋىنشا، ولار قاستاندىقپەن ولتىرىلگەن. بۇل جونىندە شازا ءوزىنىڭ Facebook پاراقشاسىندا جازدى، ماسەلەن ول:

«ورۋبا ۇنەمى ماڭىزدى تاقىرىپتاردى قوزعاپ، باسىلىمداردىڭ الدىڭعى بەتتەرىنەن تۇسپەيتىن ەدى، ول قىلمىسكەرلەردى اشكەرەلەپ، ادىلەت جولىندا كۇرەستى. ونىڭ جانە قىزى حاللانىڭ ەسىمى ءقازىردىڭ وزىندە الدىڭعى پاراقشالاردا»، - دەدى ول.

تۇرىكتىڭ ب ا ق قۇرالدارى ورۋبانىڭ سيريا پرەزيدەنتى باشار اساد ۇكىمەتىنىڭ تۇرمەلەردە ازاپتاۋ تۋرالى ارەكەتتەرىن اشكەرەلەمەك بولعاندىعىن جاريالادى.

ەكى ايەلدى دە امەريكالىق كومەكشى كايلا ميۋللەرمەن دوستىق قاتىناستا بولعان. بۇدان 4 جىل بۇرىن سيريانىڭ يسلاميستىك توپتارى كايلانى ۇرلاپ كەتكەن جانە ول ەكى جىل شاماسىندا تۇتقىندا ومىردەن وزعان.

وتكەن جىلى ABC News-كە بەرگەن سۇحباتىندا ولار كايلامەن سيريالىق بوسقىندارعا، سونىڭ ىشىندە انالار مەن بالالارعا كومەك كورسەتۋ ماقساتىندا بىرگە جۇمىس اتقارعانىن ايتتى.

حاللا وپپوزيسيالىق «Orient News» سايتىنىڭ رەداكتورى بولدى. ميۋللەردىڭ اتا-اناسى ولىمنەن حاباردار بولعاننان سوڭ، ABC-گە بەرگەن مالىمدەمەسىندە كايلا ءۇشىن ورۋبا مەن حاللا تۋعان-تۋىسقانى سياقتى بولىپ كەتكەن ەدى دەپ ەسكە الدى.

اقش مەملەكەتتىك دەپارتامەنتى ورۋبا باراكتىڭ-تىڭ «باتىل» جۇمىسىنا قۇرمەتپەن قارايتىنىن جانە قاتتى قايعىرعانىن ايتتى. قۇراما شتاتتار قىلمىستى قاتاڭ تەرگەۋگە الاتىندىعىن مالىمدەدى.

سونىمەن قاتار، بۇل قايعىلى جاعداي الەۋمەتتىك جەلى قولدانۋشىلارىن دا بەي جاي قالدىرمادى.