الماتىدا ايەلدى قاعىپ ولتىرگەن جۇرگىزۋشى قاماۋعا الىندى، - دەپ حابارلايدى Qamshy.kz اقپارات اگەنتتىگى الماتى قالالىق ءىىد باسپا ءسوز قىزمەتىنە سىلتەمە جاساپ.

ەسكە سالا كەتەيىك، جول اپاتى تۇندە ساعات 23.50-دە تۇركسىب اۋدانىندا بولعان ەدى.

"1965 جىلعى ايەل جاياۋ جۇرگىنشىلەرگە ارنالعان جولمەن ءوتىپ بارا جاتقان. وسى ساتتە سولتۇستىك باعىتپەن Toyota Land Cruiser كولىگى كەلە جاتقان. تىزگىندە 1994 جىلعى جىگىت بولعان. ول ايەلدى قاعىپ كەتىپ، وقيعا ورنىنان جاسىرىنعان. وكىنىشكە قاراي، ايەل وقيعا ورنىندا كوز جۇمدى. قازىرگى ۋاقىتتا جۇرگىزۋشى ق ر قىلمىستىق-پروسەسسۋالدىق كودەكسىنىڭ 128-بابىنا سايكەس ۇستالىپ، ۋاقىتشا ۇستاۋ يزولياتورىنا قامالدى. تاياۋدا وعان قاتىستى بۇلتارتپاۋ شاراسى تاڭدالادى"، - دەدى الماتى قالالىق ءىىد تەرگەۋ باسقارماسى باسشىسىنىڭ ورىنباسارى ولجاس ءشارىپوۆ.

سونداي-اق، ول قازىرگى ۋاقىتتا ەكى باپ بويىنشا سوتقا دەيىنگى تەرگەۋدىڭ باستالعانىن حابارلادى: ق ر قىلمىستىق كودەكسىنىڭ 345-بابىنىڭ 3-بولىگى ("كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى") مەن ق ر قىلمىستىق كودەكسىنىڭ 347-بابى ("كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى") بويىنشا.