2017 جىلدىڭ 24  قىركۇيەگىندە قازاقستان رەسپۋبليكاسى ۇلتتىق ۇلانى «قاپتاعاي» وقۋ ورتالىعىندا (استانا ق.) قازاقستان رەسپۋبليكاسى ۇلتتىق ۇلانىنىڭ ارنايى ماقساتتاعى «بۇركىت» ءبولىنىسى اسكەري قىزمەتشىلەرىنىڭ كۇرەڭ بەرەت كيۋ مارتەبەسى جانە «بۇركىت» كەۋدە بەلگىسىن تاعۋعا قول جەتكىزۋ ءۇشىن قورىتىندى كۆاليفيكاسيالىق سىناق تاپسىرۋ شاراسى وتكىزىلەدى، دەپ حابارلايدى Qamshy.kz اقپارات اگەنتتىگى. 

كۆاليفيكاسيالىق سىناقتار جىل سايىن ق ر ءار ءتۇرلى كليماتتىق جاعدايىندا وتەدى جانە ەكى كەزەننەن تۇرادى. 

قورىتىندى سىناقتا كۇرەڭ بەرەتكە ۇمىتكەرلەر بارلىعى 19 ءنورماتيۆتى ورىنداۋ ارقىلى، ءتيىستى بار قارۋ-جاراعىمەن 75 شاقىرىمدىق قاشىقتىقتى  جۇگىرىپ شىعادى، ونىڭ ىشىندە سۋلى وتكەلدى مالتىپ ءوتۋ، تاجىريبەلىك اتىس جانە بەلگىلەنگەن ۋاقىت ىشىندە ءۇش قارسىلاسپەن ۇرىسقا ءتۇسۋ ت.ب.

بيىل ەلىمىزدىڭ بارلىق وڭىرىنەن كەلگەن كۇرەڭ بەرەت كيۋگە   ۇمىتكەر 103 اسكەري قىزمەتشى كۆاليفيكاسيالىق سىناق تاپسىرۋعا ىنتا تانىتتى. 

كۆاليفيكاسيالىق سىناقتى ساپالى وتكىزۋ ماقساتىندا جانە كۇرەڭ بەرەتكە ۇمىتكەرلەردىڭ نورماتيۆتەردى ورىنداۋىن باقىلاۋ ءۇشىن    ونىڭ بارلىق كەزەنىندە  «كۇرەڭ بەرەت» ورتالىق كەڭەسىنىڭ مۇشەلىگىندە تۇرعان 37 نۇسقاۋشى جانە اعا نۇسقاۋشىلار تارتىلدى.

كۆاليفيكاسيالىق سىناقتىڭ اقتىق كەزەنى جانە سىناقتان وتكەن جاۋىنگەرلەرگە «بۇركىت» ارنايى ماقساتتاعى ءبولىنىستىڭ سيمۆولىن سالتاناتتى تاپسىرۋى 24 قىركۇيەكتە ساعات   10.00 -  13.00 ارالىعىندا وتەدى. شاراعا ق ر قاۋىپسىزدىك كەڭەسىنىڭ حاتشىسى، ىشكى ىستەر ءمينيسترى، ەلىمىزدىڭ كۇش قۇرىلىمى ارنايى بولىمشەلەرىنىڭ، مەملەكەتتىك ورگانداردىڭ، بۇقارالىق اقپارات قۇرالدارى وكىلدەرى شاقىرىلعان.

ق ر ۇلتتىق ۇلان باسپا ءسوز قىزمەتى