لۆوۆ وبلىسىنىڭ سوتى گرۋزيانىڭ بۇرىنعى پرەزيدەنتى، ءارى ەكس-گۋبەرناتور ميحايل سااكاشۆيليدى ۋكراينا شەكاراسىن زاڭسىز كەسىپ وتكنەنى ءۇشىن كىنالى دەپ تانىدى. بۇل تۋرالى ينتەرفاكس-ۋكراينا حابارلادى، دەپ جازادى Qamshy.kz اقپارات اگەنتتىگى.

اگەنتتىكتىڭ مالىمەتىنشە، سوت سااكاشۆيليگك 3400 گريۆنا (130 دوللار) كولەمىندە ايىپپۇل سالدى. ءبىراق ساياساتكەردىڭ ءوزى سوت وتىرىسىنا قاتىسپاعان. ءدال سول ۋاقىتتا چەركاس وبلىسىندا كەزدەسۋدە بولعان.

بۇدان بۇرىن ۋكراينا باس پروكۋرورى يۋريي لۋسەنكو سااكاشۆيليدىڭ ۋكريانا شەكاراسىن زاڭسىز كەسىپ وتكەنى ءۇشىن مىندەتتى تۇردە ايىپپۇل تولەيتىنىن مالىمدەگەن.

10 قىركۇيەكتە گرۋزيانىڭ بۇرىنعى پرەزيدەنتى جانە ودەسسا وبلىسىنىڭ ەكس-گۋبەرناتورى ميحايل سااكاشۆيلي جاقتاستارىمەن بىرگە ۋكراينا شەكاراسىنا باسىپ كىرگەن. وقيعا ورنىندا ۇلتتىق پوليسيانىڭ 11 جاۋىنگەرى مەن مەملەكەتتىك شەكارا قىزمەتىنىڭ 5 قىزمەتكەرى زارداپ شەككەن.

ۋكرينا باس پروكۋرورى يۋريي لۋسەنكو ۋكراينالىق شەكارا قىزمەتكەرلەرىنە زاردابىن تيگىزگەندەرگە قىلمىستىق ءىس قوزعالىپ، 7 جىلعا باس بوستاندىعىنان ايىرىلاتىنىن مالىمدەگەن.

26 شىلدەدە ەل پرەزيدەنتى پەتر پوروشەنكو سااكاشۆيليدى ۋكراينا ازاماتتىعىنان شىعارىپ تاستاعان بولاتىن. ال ەشقانداي ەلدىڭ ازاماتتىعىن الماعان ەكس-گۋبەرناتوردىڭ سول ۋاقىتتا اقش پەن پولشا اراسىندا ەمىن-ەركىن جۇرگەن. سااكاشۆيلي ۋكرايناعا قايتىپ ورالعاننان كەيىن، پوروشەنكوعا قارسى كۇرەسىن جالعاستىراتىنىن جانە ەلدە بيلىك ءۇشىن كۇرەستى ريەۆوليۋسيالىق جولمەن ەمەس، زاڭ اياسىندا جۇرگىزەتىنىن مالىمدەگەن.