استانادا ۋچاسكەلىك پوليسەيلەر «ستوليچنىي» تۇرعىن ءۇي كەشەنىندە 8 قاباتتان سەكىرمەك بولعان قىزدى قۇتقارىپ قالدى، - دەپ حابارلايدى Qamshy.kz اقپارات اگەنتتىگى. 

ەلوردالىق ءىىد باسپا ءسوز قىزمەتىنىڭ حابارلاۋىنشا، پوليسيا قىزمەتكەرلەرى ۋچاسكەنى ارالاۋ كەزىندە ءبىر قىزدى كورىپ قالعان. ول 8-قاباتتىڭ بالكوندا تۇرىپ، سەكىرمەك بولعان.  پوليسيا اعا لەيتەنانتى تەمىرحان قايىربەكوۆ پەن پوليسيا كاپيتانى اسقار پاپىشيەۆ ەش ۋاقىت جوعالتپاستان تەزدەتە 8-قاباتقا كوتەرىلىپ،  بالكوننىڭ شەتىنە تاياپ قالعان قىزدى ۇستاپ ۇلگەرەدى»،-دەلىنگەن حابارلامادا. 

28 جاستاعى قىزدىڭ تۇسىندىرۋىنشە، ول ءوزىنىڭ جىگىتىمەن ۇرىسىپ قالىپتى. پوليسيانىڭ دەرەگىنە قاراعاندا، قازىرگى ۋاقىتتا وعان  پسيحولوگيالىق تۇرعىدا كومەك كورسەتىلىپ جاتىر.