باۆارياداعى بوسقىندار جاتاقحاناسىندا قازاقستاندىق ەر ادام 28 جاستاعى ۋكرايندىق ازاماتتى ءولتىردى دەگەن كۇدىكپەن قولعا ءتۇستى، دەپ حابارلايدى Qamshy.kz اقپارات اگەنتتىگى جەرگىلىكتى باق-قا سىلتەمە جاساپ.
باۆاريانىڭ ەگگەلەنفەلد قالاسىندا ورنالاسقان بوسقىندارعا ارنالعان جاتاقحانادا قاندى قاقتىعىس ورىن الدى.
ەكى ەر ادام دا ءبىر بولمەدە تۇراتىن. 23 قىركۇيەك كۇنى تاڭعى ۋاقىتتا ەكەۋىنىڭ اراسىندا تۇسىنىسپەۋشىلىك تۋىنداپ، ناتيجەسىندە قازاقستاندىق ەر ادام ۋكراين ازاماتىنا پىشاق سۇعىپ العان. جاپا شەككەن 28 جاستاعى ۋكراين ازاماتى العان جاراقاتىنىڭ سالدارىنان جاتاقحانادا كوز جۇمدى.
اتالمىش وقيعاعا بايلانىستى ءىستىڭ انىق-قانىعى ءالى بەلگىسىز. 47 جاستاعى قازاقستاندىق ازامات تۇتقىندالىپ، سوت الدىندا جاۋاپ بەرەتىن بولادى.
