Golden Boy Promotions پروموۋتەرلىك كومپانياسىنىڭ پرەزيدەنتى ەريك گومەس قازاقستاندىق بوكسشى گەنناديي گولوۆكين مەن ساۋل «كانەلو» اۆارەس اراسىنداعى ەكىنشى كەزدەسۋدى ۇيىمداستىرۋ ءۇشىن رەسمي تۇردە كەلىسىمشارتتا باستالعانىن جانە جەكپە-جەكتىڭ قاشان وتەتىنىن ايتتى،- دەپ حابارلايدى Qamshy.kz اقپارات اگەنتتىگى Qsport.kz-كە سىلتەمە جاساي وتىرىپ.
«ءبىز گولوۆكين مەن «كانەلو» اراسىنداعى ەكىنشى كەزدەسۋدى ۇيىمداستىرۋ ءۇشىن رەسمي تۇردە كەلىسسوزدەردى باستاپ كەتتىك. گولوۆكيننىڭ پروموۋتەرى توم لەففلەرمەن دە جولىقتىق. جەكپە-جەك مامىر ايىندا وتەدى. ويتكەنى مامىر ايىندا اقىلى جۇيەدەن (PPV) قوماقتى پايدا تۇسىرۋگە بولادى.
شامامەن جەكپە-جەك 5 مامىر كۇنى وتەتىن شىعار. بۇل مەكسيكا جۇرتى ءۇشىن ايتۋلى كۇن. ءدال وسى كۇنى 1862 جىلى مەكسيكالىقتار پەۋبلا تۇبىندەگى شايقاستا جەڭىسكە جەتتى. سوندىقتان دا بۇل كەزدەسۋ مەكسيكالىق جانكۇيەرلەر ءۇشىن كەرەمەت سىي بولادى»، — دەيدى گومەس.
