ورتالىق كوممۋنيكاسيالار قىزمەتىندە «Qazaqstan» ۇلتتىق ارناسىندا 30 قىركۇيەكتەن باستاپ ەفيرگە شىعاتىن «جىبەك جولى جۇلدىزى» حالىقارالىق مۋزىكالىق سايىستى شوۋعا ارنالعان باسپا ءسوز كونفەرەنسيا وتكىزىلدى. اتالعان شاراعا «قازاقستان» رترك» اق-نىڭ باسقارما ءتوراعاسى – ەرلان قارين جانە «Adam Media Plus» كومپانياسىنىڭ باس پروديۋسەرى دينارا ادام قاتىستى دەپ حابارلايدى Qamshy.kz اقپارات اگەنتتىگى.

         ۇلتتىق ارنادا جاڭا ماۋسىم اياسىندا ۇلى جىبەك جولىنىڭ بويىندا ورنالاسقان قازاقستان، قىرعىزستان، تاجىكىستان، وزبەكستان، تۇركيا، ءازىربايجان، گرۋزيا، رەسەي فەدەراسياسىنىڭ: تاتارستان،  باشقۇرستان سياقتى ەلدەردىڭ جارقىن جۇلدىزدارى ءبىر ساحنادا ب ا ق سىناساتىن اۋقىمدى حالىقارالىق ونەر دوداسى باستالادى. «جىبەك جولى جۇلدىزى» قازاقستاندا بۇرىن سوڭدى بولماعان حالىقارالىق مەگاسايىس.

          جوبا زاماناۋي مۋزىكالىق كونتەنتتىڭ الۋان تۇرلىلىگى مەن اۋقىمنىڭ كەڭدىگىمەن عانا ەرەكشەلەنبەيدى. الدىمەن ول قاتىسۋشى ەلدەردىڭ ەرەكشە داستۇرلەرى مەن مادەنيەتتەرىنىڭ بايلانىسۋى ارقىلى بۇكىل تۇركى ءتىلدى الەمگە ورتاق مەديا-ينفراقۇرىلىمىنىڭ دامۋىنا سەپتىگىن تيگىزەدى. سەبەبى، «جىبەك جولى جۇلدىزى» مەگاجوباسىنىڭ باستى ماقساتى ۇلى جىبەك جولى بويىنداعى مەملەكەتتەردىڭ قارىم-قاتىناسىن بىرىكتىرۋ، جاڭا مۋزىكالىق ءداستۇردى ورناتۋ.

          «جىبەك جولى جۇلدىزى» ۇلتتىق ارنادا بىرنەشە اي بويىنا اپتاسىنا ءبىر رەت كورسەتىلەتىن بولادى. 12 كونسەرتتەن تۇراتىن مەگادودانىڭ اقتىق سايىسىندا تەك تالانتتى ءانشى عانا ەمەس، ونى ۇسىنعان ەل دە فينال جەڭىمپازى بولىپ سانالادى.

          تەليەۆيزيالىق شوۋ جوباعا قاتىسۋشى ەلدەردىڭ رەيتينگى جوعارى تەلەارنالارىندا دا كورسەتىلەدى.

          «جىبەك جولى جۇلدىزى» سايىستىق شوۋدىڭ قازىلار القاسىنىڭ قۇرامىنا قاتىسۋشى ەلدەردىڭ حالىقارالىق دەڭگەيدەگى ەڭ تانىمال كاسىبي ارتىستەرى مەن پروديۋسەرلەرى كىرەتىن بولادى.

          فينال، 12ء-شى كونسەرتتە - جوبا سايىسكەرلەرى جانە شاقىرىلعان جۇلدىزداردىڭ قاتىسۋىمەن «Qazaqstan» تەلەارناسىنىڭ كورەرمەنىنە ارنالعان ۇلكەن گالا-كونسەرت رەتىندە ۇيىمداستىرىلادى.