قازاقستاننىڭ ىشكى ىستەر ءمينيسترى قالمۇحانبەت قاسىموۆ: «قىلمىسكەرلەر باس بوستاندىعى جازاسىن السا دا تۇزەلمەۋى مۇمكىن» - دەدى. بۇل تۋرالى Qamshy.kz اقپارات اگەنتتىگى حابارلايدى.

مينيستر قالمۇحانبەت قاسىموۆ: «قۇرمەتتى دەپۋتاتتار، ءبىزدىڭ ۇزاق جىلعى تاجىريبەمىز قىلمىسكەرلەردى قاماۋدا ۇستاۋدىڭ ءتيىمسىز ەكەندىگىن كورسەتتى. ولاردى قاماۋدا ۇستاۋ تاجىريبە جۇزىندە مۇلدەم ناتيجە بەرمەيدى دەۋگە بولادى. ونىڭ ايعاعى سول جازالانعان ازماتتاردىڭ ءبىر قىلمىستى قايتادان قايتالاۋى. ونىڭ ۇستىنە، جازالاۋ كولونيالارىندا وتىرعان قىلمىسكەرلەرگە كەتكەن قاراجات مەملەكەت بيۋدجەتىنە ۇلكەن سالماق بولىپ وتىر. وسى تۇرعىدا دامىعان ەۋروپالىق مەملەكەتتەردىڭ تاجىريبەسىنە سۇيەنە وتىرىپ، جاڭا قىلمىستىق زاڭدار مەن تۇزەتۋ كودەكستەرىن ەنگىزۋ كەرەك. «قايتا قاراۋ» زاڭناماسى مەن باسقا دا قۇقىقتىق-زاڭنامالىق اكتىلەردى وزگەرتۋ مىندەتتەلۋى ءتيىس» -دەدى.

بۇل جونىندە مينيستر ءماجىلىس دەپۋتاتتارىنا 2017-2019 جىلدىق تۇزەتۋ مەرزىمىندە جۇرگەن ازاماتتاردىڭ الەۋمەتتىك رەابيليتاسيالاۋ كوپلەكستى جوباسىن جۇزەگە اسىرۋ تۋراسىنداعى ۇكىمەتتىك ساعاتتا ايتتى.

ىشكى ىستەر مينيسترلىگىنىڭ ايتۋىنشا، سوڭعى جىلدارى تۇرمەدە وتىرعان ازاماتتاردىڭ سانى ايتارلىقتاي تومەندەگەن، ماسەلەن، 2011 جىلى تۇرمەدەگى قىلمىسكەرلەر سانى 57 مىڭ بولسا، 2017 جىلى 35،5 مىڭعا قىسقارعان.  

بۇدان 15 جىل بۇرىن قامالعان قىلمىسكەرلەر سانى جونىندە الەمدىك كورسەتكىشتە  قازاقستان اقش پەن رەسەيدەن كەيىنگى ءۇشىنشى ورىندا بولسا، قازىرگى ۋاقىتتا 68 ورىندا تۇر. «ەگەر بولاشاقتا قىلمىستىق كودەكستە وزگەرتۋلەر ەنگىزىلسە بۇل كورسەتكىش ودان تومەن بولۋى ءتيىس» - دەدى مينيستر.

قالمۇحانبەت قاسىموۆتىڭ پىكىرىنشە، الداعى ۋاقىتتا تۇرمەگە قامالعانداردىڭ سانى ازايىپ، پوليسيا باقىلاۋىندا بولاتىنداردىڭ سانى ارتادى.

بۇل ەلىمىزدە پروباسيا قىزمەتى پايدا بولۋىنا بىردەن ءبىر سەبەپ بولىپ وتىرعان ماسەلە. قازىرگى كەزدە، ءبىزدىڭ زاڭنامامەن پروباسيانىڭ تولىق اينالىمى قۇرىلعان. بۇعان دەيىن ەلىمىزدە تەك پروباسيانىڭ ەكى مودەلى عانا بولسا: ۇكىمدىك جانە پوستپەنيتەنسيارلىق، قازىردە پروباسيانىڭ ەكى قوسىمشا ءتۇرى ەنگىزىلدى: سوتقا دەيىنگى جانە پەنەسيارلىق. «بۇل پروباسيالىق جۇيە بارلىق كريمينالدىق ءقاۋىپتى جاعدايلاردىڭ الۋعا سەپتىگىن تيگىزەدى» - دەپ ءسوزىن اياقتادى مينيستر.