ماڭعىستاۋ وبلىسىنىڭ اكىمى ەرالى توعجانوۆتىڭ وكىمىمەن بەينەۋبەك ءابىلوۆ بەينەۋ اۋدانىنىڭ اكىمى بولىپ تاعايىندالدى، دەپ حابارلايدى Qamshy.kz اقپارات اگەنتتىگى وڭىرلىك اكىمدىكتىڭ باسپا ءسوز قىزمەتىنە سىلتەمە جاساپ.

بەينەۋبەك ءابىلوۆ 1975 جىلى 16 قاڭتاردا ماڭعىستاۋ وبلىسىنىڭ بەينەۋ سەلوسىندا دۇنيەگە كەلگەن. ۇلتى-قازاق، ءبىلىمى-جوعارى.

1998 جىلى اقتاۋ مەملەكەتتىك ۋنيۆەرسيتەتىندە ينجەنەر-مەحانيك، 2003 جىلى قاراعاندى مەملەكەتتىك ۋنيۆەرسيتەتىن زاڭگەر جانە 2012 جىلى كاسپيي مەملەكەتتىك تەحنولوگيا جانە ينجينيرينگ ۋنيۆەرسيتەتىندە ينجەنەر-قۇرىلىسشى ماماندىقتارى بويىنشا ءبىلىم العان.

بەينەۋبەك ءابىلوۆ ەڭبەك جولىن 1995 جىلى اقتاۋ قالاسى اكىمشىلىگىنىڭ جاس-وسپىرىمدەر، تۋريزم جانە سپورت ىستەرى جونىندەگى ءبولىمنىڭ مامانى بولىپ باستاعان.

1998-1999 جج. - كاسىپورىنداردى قايتا قۇرۋ جانە تاراتۋ جونىندەگى اگەنتتىگى  اق-نىڭ ماڭعىستاۋ فيليالىنىڭ جەتەكشى مامانى بولدى.

1999-2005 جج. - «شاعىرلى ءشومىشتى» جشس-نىڭ،  «جولاۋشى» جشس-نىڭ، «كاسكور-ديكفا» جاق-نىڭ، «رەمگازمونتاج» جاق-نىڭ، «زاۆود پلاستيچەسكيح ماسس» جشس-ڭ كونكۋرستىق باسقارۋشىسى قىزمەتتەرىن اتقاردى.

2007-2011 جج. - ماڭعىستاۋ وبلىسىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ باس مامانى، ءبولىم باستىعى، باسقارما باستىعىنىڭ ورىنباسارى، باسقارما باستىعىنىڭ مىندەتىن اتقارۋشى قىزمەتتەرىن اتقارعان.

2011-2012 جج. - قازاقستان رەسپۋبليكاسى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى اگەنتتىگى ماڭعىستاۋ وبلىسى بويىنشا مەملەكەتتىك ساۋلەت-قۇرىلىس باقىلاۋ جانە ليسەنزيالاۋ دەپارتامەنتىنىڭ ليسەنزيالاۋ جانە اتتەستاتتاۋ ءبولىمىنىڭ باستىعى، دەپارتامەنت ديرەكتورىنىڭ مىندەتىن اتقارۋشى بولدى.

2012- 2015 جج. - قازاقستان رەسپۋبليكاسى وڭىرلىك دامۋ مينيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ ماڭعىستاۋ وبلىسى بويىنشا مەملەكەتتىك ساۋلەت-قۇرىلىس باقىلاۋ جانە ليسەنزيالاۋ دەپارتامەنتى مەملەكەتتىك مەكەمەسىنىڭ باسشىسى لاۋازىمىندا بولعان.

2015 جىلدان وسى ۋاقىتقا دەيىن ماڭعىستاۋ وبلىسىنىڭ مەملەكەتتىك ساۋلەت-قۇرىلىس باقىلاۋى باسقارماسىنىڭ باسشىسى قىزمەتىن اتقارىپ كەلگەن.