رەسەي قورعانىس مينيسترلىگى   اقش اسكەريلەرىنىڭ سيريادا جۇرگەنىن دالەلدەيتىن  اەروفوتوسەمكا جاساعان. فوتوسۋرەتتەردەن اقش اسكەريلەرىنىڭ «دايش مەملەكەتى» ورنالاسقان  اۋماقتا جۇرگەندىگى انىق كورىنگەن. الايدا، وسى ماسەلەگە بايلانىستى اقش ەشقانداي پىكىر بىلدىرمەدى. بۇل تۋرالى ريا نوۆوستي-گە سىلتەمە بەرىپ Qamshy.kz اقپارات اگەنتتىگى حابارلايدى. 

ماسكەۋ ءوز كەزەگىندە ۆاشينگتوننىڭ سيرياداعى ارەكەتتەرى تەرروريزمگە قارسى كۇرەس جۇرگىزۋ ماقساتىمەن ەمەس، باسقا سەبەپتەرمەن جاسالىپ جاتقانىن ايتىپ وتىر.

اقش اسكەرىنىڭ سيريادا قانداي ماقساتپەن ورنالاسقانىن تەك بۇل ەلدەگى تەرروريستەردىڭ كوزىن جويعان سوڭ عانا بەلگىلى بولادى دەيدى رەسەي ءسىم باسشىسى  سەرگەي لاۆروۆ.

جاقىندا رەسەيدىڭ قورعانىس مينيسترلىگى دايش مەملەكەتى ورنالاسقان اۋدانداردى سۋرەتكە ءتۇسىرىپ جاريالاعان بولاتىن. سۋرەتتەر ۆەدومستۆونىڭ فەيسبۋكتەگى رەسمي پاراقشاسىندا جاريالانعان.

فوتوسۋرەتتەردەن اقش اسكەرىنىڭ تەحنيكالىق قۇرالدارىمەن بىرگە دايش مەملەكەتى تەرريتورياسىندا وتە ەركىن، ەشقانداي قاۋىپ-قاتەرسىز قوزعالىپ جۇرگەنى انىق بايقالعان. وسى ورايدا، اقش-تىڭ دايش تەرروريستەرىن جويۋعا باعىتتالعان ماقساتى شىن مانىندە شىندىققا جاناسپايتىنىن بايقاۋعا بولادى دەيدى رەسەيلىك ءسىم.

اقش ءوز تاراپىنان رەسەيدىڭ دالەل مەن دايەكتەرىنە، سۇراقتارىنا جاۋاپ بەرمەي وتىر.