ق ر  ەنەرگەتيكا مينيسترلىگى «قازگيدرومەت» رەسپۋبليكالىق مەملەكەتتىك كاسىپورنى اتموسفەرالىق اۋا جاي-كۇيىنە باقىلاۋدى رەسپۋبليكانىڭ ءىرى قالالارى مەن ونەركاسىپ ورتالىقتارىندا جۇرگىزەدى. قازىرگى ۋاقىتتا اتموسفەرالىق اۋا جاي-كۇيىنە باقىلاۋ 49 ەلدى-مەكەندەگى  146 باقىلاۋ بەكەتىندە،  سونىڭ ىشىندە 56 سىنامالاردى قولمەن ىرىكتەۋ بەكەتىندە جانە 90 اۆتوماتتى بەكەتتە جۇرگىزىلەدى. سونداي-اق، باقىلاۋ 14 جىلجىمالى زەرتحانانىڭ كومەگىمەن جۇزەگە اسىرىلادى دەپ جازادى Qamshy.kz اقپارات اگەنتتىگى «قازگيدرومەتتىڭ» باسپا ءسوز قىزمەتىنە سىلتەمە جاساپ.

2017 جىلعى 11 شىلدەدەن باستاپ استانا قالاسىندا اۋا ساپاسىن باقىلاۋ اۆتوماتتى پوستىندا (№ 5 پوست، قۇتقارۋ ستانسياسىنىڭ اۋدانىندا ورنالاسقان)، ق ر جاعدايىنا بەيىمدەلۋىن تەكسەرۋ جانە قازىرگى ۋاقىتتا اۋا ساپاسىنىڭ مونيتورينگى ءۇشىن پايدالانىلاتىن رەسەيلىك ءوندىرىس قۇرالدارىمەن مالىمەتتەردى سالىستىرۋدى جۇرگىزۋ ءۇشىن فيندەرمەن وندىرىلگەن ءبىر Vaisala داچيگى ورناتىلعان.

«قازگيدرومەت» رمك Vaisala Group-پەن 2005 جىلدان باستاپ بىرگە قىزمەت جاسايدى. ەكسپو-2017 شەڭبەرىندە فيندىك ارىپتەس AQT-420 اتموسفەرالىق اۋا ساپاسىنىڭ اۆتوماتتى داچيگىن تانىستىردى. ول اۆتوماتتىق رەجيمدە كونسەنتراسيانى ولشەۋدى التى لاستاۋىش زاتتار: ازوت ديوكسيدى، كومىرتەك وكسيدى، كۇكىرت ديوكسيدى، وزون، ولشەنگەن بولشەكتەر رم 2،5 جانە رم-10 ارقىلى ىسكە اسىرادى.

بۇگىن «قازگيدرومەت» رمك لابوراتورياسىنىڭ باستىعى امانبايەۆا دانا فيندىك نوۋحاۋدىڭ ارتىقشىلىقتارىن اتاپ ءوتتى: «داچيكتەر شاعىن كولەمدە، ءموبيلدى، قالانىڭ كەز كەلگەن نۇكتەسىندە وڭاي ورنالاسادى، مىسالى، باعانادا، دۋال نەمەسە عيماراتتىڭ شاتىرىندا، سوندىقتان جەكە جەر تەلىمىن ءبولۋدىڭ قاجەتى جوق. بۇدان باسقا، داچيك جوعارعى دالدىككە يە، اۋىتقۋى 1-3% قۇرايدى، بۇل مۇنداي قۇرالدارداعى ەڭ جاقسى كورسەتكىش. كۇن پانەلىنىڭ ارقاسىندا، داچيك تومەنگى ەنەرگيا پايدالانۋعا يە. سونداي-اق ءبىز ءۇشىن اۋا ساپاسىنىڭ داچيكتەرىنە قوسىمشا مەتەورولوگيالىق پارامەترلەردىڭ قوسىمشا جيىنتىعىن الۋ ماڭىزدى، ويتكەنى لاستانۋدى انىقتاۋدا باعىتتى، جەلدىڭ جىلدامدىعىن، جانە باسقا دا قورشاعان ورتا پارامەترلەرىن ءبىلۋ قاجەت».

ارتىقشىلىقتاردان باسقا، سپيكەر داچيكتى پايدالانۋ پروسەسى بارىسىندا انىقتالعان كەمشىلىكتەردى دە اتاپ ءوتتى. داچيكتىڭ قازىرگى جيىنتىعىنا ۇلكەن قالالاردىڭ اتموسفەرالىق اۋاسىن باقىلاۋ ءۇشىن ماڭىزدى كومپونەنتتەر – ازوت وكسيدى جانە كۇكىرتتى سۋتەكتى انىقتاۋعا ارنالعان سەنسورلار كىرمەيدى. الايدا Vaisala كومپانياسى 2017 جىلدىڭ سوڭىنا دەيىن اتالعان سەنسورلاردى ازىرلەنۋىن اياقتاۋدى جوسپارلاۋدا.

جۇرگىزىلگەن تالداۋلاردىڭ قورىتىندىلارى بويىنشا «قازگيدرومەت» رمك ەكولوگيالىق مونيتورينگى جۇيەسىندە ورناتىلعان گاز اناليزاتورلارى مەن Vaisala داچيكتەرىنىڭ كورسەتكىشتەرىن سالىستىرۋ ناتيجەلەرى جاريالاناتىن بولادى.