تمد ەلدەرى ءۇشىن تەرروريستىك توپتار تاراپىنان كەلەتىن ءقاۋىپتىڭ دەڭگەيى ءالى دە جوعارى بولىپ تۇر. بۇل جايىندا انتيتەرروريستىك ورتالىقتىڭ باسپا ءسوز قىزمەتى مالىمدەدى.

باكۋدە تمد ەلدەرىنىڭ قاۋىپسىزدىك قىزمەتىنىڭ ءار ايماق باسشىلارى، قۇقىق قورعاۋ قىزمەتكەرلەرى قاتىسقان جەتىنشى ايماقتىق ساراپتامالىق كونسۋلتاسيا وتۋدە. سونىمەن قاتار، ءازىربايجان ەلىنىڭ قاۋىپسىزدىك قىزمەتىنىڭ قولداۋىمەن قۇرىلعان انتيتەررورلىق ورتالىقتىڭ كەڭەيتىلگەن جينالىسى بولىپ جاتىر.

«ساراپشىلاردىڭ ايتۋىنشا، تمد ەلدەرى ءۇشىن تەرروريستىك ءقاۋىپ دەڭگەيى سەيىلگەن جوق. بۇگىنگى تاڭدا ءتۇرلى ۇيىمدار جاستاردى تەرروريستىك توپتارعا شاقىرۋ ءۇشىن ينتەرنەت-رەسۋرستاردى كەڭىنەن پايدالانۋدا. سونىمەن قاتار، ولارعا قارسى كۇش جۇمىلدىرۋ ءۇشىن دە عالامتوردىڭ پايداسى كوپ»، - دەلىنگەن باسپا ءسوز حابارلاماسىندا.

انتيتەررورلىق ورتالىق جۇرگىزگەن ساراپتاما ناتيجەسىنە سايكەس، تمد ەلدەرىندە قول جەتكىزۋگە تىيىم سالىنعان رەسۋرستاردىڭ 90%-ى تمد ەلدەرىنەن تىس جەرلەردە ورنالاسقان.