قازاقستاندا كومىر باعاسىنىڭ شارىقتاۋىنا دەلدالدار ىقپال ەتۋدە دەپ حابارلايدى Qamshy.kz اقپارات اگەنتتىگى ق ر ەنەرگەتيكا مينيسترلىگى باسپا ءسوز قىزمەتىنە سىلتەمە جاساي وتىرىپ.

«كارەردەن نەمەسە شاحتادان كومىردىڭ جىبەرىلەتىن باعاسى ايتارلىقتاي جوعارى ەمەستىگىن اتاپ وتەمىز. تۇپكىلىكتى تۇتىنۋشىلار ءۇشىن ونىڭ باعاسىنىڭ وسۋىنە تەمىرجول تاريفتەرى جانە دەلدالدىق ۇيىمداردىڭ ۇستەمەلەرى ايتارلىقتاي اسەر ەتەدى. بۇل رەتتە  كوممۋنالدىق-تۇرمىستىق تۇتىنۋشىلارعا كومىردىڭ نەگىزگى كولەمى تاۋار بيرجالارى ارقىلى ساتىلادى»، - دەپ اتاپ وتىلگەن مينيسترلىك مالىمەتىندە.

بەلگىلى بولعانداي، جىل سايىن جىلۋ ماۋسىمى ءوتۋ كەزىندە كومىر ءوندىرۋشى كومپانيالارعا كومىر تيەۋگە ارنالعان ۆاگونداردىڭ ۋاقىتىندا ۇسىنىلماۋى ماسەلەسى ورىن الادى.

سونىمەن بىرگە، ق ر ۇلتتىق ەكونوميكا مينيسترلىگىنىڭ تالداۋىنا سايكەس، جەر قويناۋىن پايدالانۋشىلاردان كوممۋنالدىق-تۇرمىستىق تۇتىنۋشىلارعا دەيىنگى كومىر جونەلتۋ كەستەسى كوپدەڭگەيلىك دەلدالدىق قۇرىلىمداردىڭ بارلىعىن كورسەتەدى. ناتيجەسىندە تۇپكىلىكتى تۇتىنۋشىداعى كومىردىڭ باعاسى ەكى-ۇش ەسەگە ءوسىپ كەتەدى.

«بۇل رەتتە كومىرگە باعا بەلگىلەۋ، ساۋدانى رەتتەۋ جانە دەلدالدىق قۇرىلىمداردى جويۋ ەنەرگەتيكا مينيسترلىگىنىڭ قۇزىرەتىنە كىرمەيتىندىگىن اتاپ وتەمىز. وڭىرلەردە كومىردى ساتىپ الۋ جانە حالىق ءۇشىن تاراتۋ جەرگىلىكتى اتقارۋشى ورگاندار قۇزىرەتىنە جاتادى. ق ر ينۆەستيسيالار جانە دامۋ مينيسترلىگى مەن  «قتج» اق تاراپى جىلۋ ماۋسىمى ءوتۋى كەزىندە كومىر تيەۋگە جىلجىمالى قۇراممەن ۋاقىتىندا قامتاماسىز ەتۋ بويىنشا ءىس-شارالاردى قابىلداۋ، ال ق ر ۇلتتىق ەكونوميكا مينيسترلىگى تاراپىنان تاۋار بيرجالارى قىزمەتىن باقىلاۋ شارالارىن اتقارۋ قاجەت»،-دەپ پايىمدايدى ەم وكىلدەرى.

مالىمەتتەرگە سۇيەنسەك، بيىلعى  9 ايدا ىشكى نارىققا 55،8 ملن توننا كومىر جونەلتىلدى، ونىڭ ىشىندە 40،5 ملن توننا ەنەرگيا ءوندىرۋشى كاسىپورىندارعا جەتكىزىلدى  (2016 جىلدىڭ 9 ايىندا 34،5 ملن توننا). وسى كەزەڭدە كوممۋنالدىق-تۇرمىستىق قاجەتتىلىككە جانە حالىققا 8 ملن توننا جەتكىزىلدى، بۇل 2016 جىلعى سايكەس كەزەڭمەن سالىستىرعاندا 1،5 ملن تونناعا ارتىق.

وڭتۇستىك قازاقستان وبلىسى اكىمدىگىنىڭ اقپاراتىنا سايكەس، 5 قازانداعى جاعداي بويىنشا وڭىردەگى كومىر قويمالارىندا  كومىردىڭ جەتكىلىكتى كولەمى بار.

وسى ورايدا شۇباركول كومىرى - 12،5 مىڭ تەڭگە، مايكوبە - 8،5 مىڭ تەڭگە دەڭگەيىندە بايقالىپ وتىر قاراعاندىنىڭ كومىر قويمالارى تولتىرىلعان، ءبىر توننا كومىردىڭ باعاسى 6 مىڭ تەڭگەدەن باستاپ (سارىادىر كومىرى) 11 مىڭ تەڭگەگە دەيىن (شۇباركول كومىرى).

استانانىڭ ەكى كومىر قويماسىندا شۇباركول كومىرىنە جوعارعى باعا 14 مىڭ تەڭگەنى قۇرايدى (مايكوبە كومىرى - 8،5  مىڭ تەڭگە).

الماتىدا ءبىر توننا كومىردىڭ باعاسى 15 مىڭ تەڭگەدەن باستاپ (قاراجىرا كومىرى) 23 مىڭ تەڭگە (شۇباركول كومىرى).