اقش-تاعى يەللوۋستوندا ويانعان جانارتاۋدىڭ قايناۋ نۇكتەسى شەكتى مەجەدەگى احۋالعا تۇسكەن،- دەپ جازادى Qamshy.kz اقپارات اگەنتتىگى. سەيسمولوگتار ايداحو جەر سىلكىنىسىن سۋپەر جانارتاۋدىڭ ويانۋىمەن بايلانىستىرىپ وتىر.

وسىعان وراي اقش-تىڭ گەولوگيالىق قىزمەتى ايداحو جەر سىلكىنىسىنىڭ سەبەبىن يەللوۋستوندا ويانعان جانارتاۋمەن بايلانىستىرىپ وتىر.

سونىمەن قاتار، الەمگە ايگىلى گەيزەر اتموسفەراعا ۇلكەن كولەمدە بۋ شىعاردى جانە ول رەكوردتىق قاشىقتىققا جەتتى. عالىمدار بۇرىن سوڭدى مۇنداي قۇبىلىس كورمەگەنىن ايتادى. ولار بۇل جاعداي «جەر استى تەمپەراتۋراسىنىڭ تىم قاتتى ىسىپ كەتۋىنەن» بولدى دەيدى.

يەللوۋستونداعى قورىقتا دا جۇمباق جاعدايلار كوپ بولۋدا، ماسەلەن جەردىڭ بەتكى قاباتى كوتەرىلىپ، بيزوندار باسقا جاققا قونىس اۋدارۋدا.

جوعارى سەيسميكالىق وزگەرىستەر وسى جىلدىڭ قىركۇيەك ايىندا كاليفورنيا شتاتىنداعى لونگ-ۆەلليدە بايقالعان، وندا الىپ جانارتاۋ اسقان بەلسەندىلىك تانىتقان. بۇرىندارى جانارتاۋ ماڭىندا نەبارى 10 رەت جەر سىلكىنىسى بولسا، سوڭعى ايدا سەيسمولوگتار 1104 رەت جەردىڭ 3،3 باللدىق كورسەتكىشپەن سىلكىنگەنىن باقىلعان.

مامانداردىڭ ايتۋىنشا، يەللوۋستون مەن لونگ-ۆەللي ءوزارا قاتتى بايلانىسقان، سوندىقتان بىر-بىرىنە اسەر ەتەدى. عالىمدار يەللوۋستوۋنداعى جانارتاۋ تەك قانا اقش-تىڭ ءبىرشاما بولىگىن جويىپ قانا قويماي، بۇكىل الەمگە قاسىرەت الىپ كەلۋى مۇمكىن دەيدى.