ءۇندىستاننىڭ دجايپۋر قالاسى ماڭىنداعى ەلدى مەكەن تۇرعىندارى بيلىككە قارسى جاپپاي ەرەۋىلگە شىقتى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساپ. شارۋالار وزدەرىنىڭ ەگىن سالىپ، كۇنەلتىپ جۇرگەن جەرىن باسشىلاردىڭ الىپ قويىپ جاتقانىنا نارازى. ال بيلىك بۇل اۋماققا جاڭا نىساندار سالماق. جان ايقايىن اق جاعالىلاردىڭ قۇلاعىنا جەتكىزە الماعان تۇرعىندار ەندى كوشەگە شىعىپ ۇرانداتۋعا كوشتى.
ءتىپتى وز-وزدەرىن موينىنا دەيىن كومىپ، «تالابىمىز ورىندالماسا بۇل جەردەن كەتپەيمىز» دەپ بەكىنىپ العان. بۇعان دەيىن دە ولار 15 كۇن بويى وسىندا وتىرىپ نارازىلىق تانىتقان ەدى. ءبىراق ۇكىمەت وكىلدەرى بوي كورسەتپەگەن. ەندى ديقاندار امالسىز وسىنداي ارەكەتكە بارىپ وتىر. ايتا كەتەيىك، دجايپۋر قالاسىن كوركەيتۋ ءۇشىن جەرگىلىكتى بيلىك 2011 جىلى ديقانداردىڭ 526 گەكتار جەرىن الىپ قويعان. سودان بەرى ايماقتا ەرەۋىلدەر تولاستاعان ەمەس.
