الماتى اكىمىنىڭ ورىنباسارى الماس مادييەۆ جانارماي تاپشىلىعىنا قاتىستى تۇسىنىكتەمە بەردى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

«الماتى جانارماي ستانسالارىنداعى جانارماي تاپشىلىعى ماسەلەسىن شەشۋ ءۇشىن اكىمدىك پەن ەنەرگەتيكا مينيسترلىگى ءبىرقاتار شارالار قابىلدادى. بۇگىندە ورتالىقتا «گەليوس»، «سينويل»، «قازمۇنايگاز» جەلىلىك رەسۋرستارىندا 15 توننا جانارماي كولەمىندە وپەراسيالىق قور بار. بۇل قور 8-10 كۇنگە جەتەدى. سونداي-اق، ۇساق بولشەك جەلىلەرىندە 2-3 كۇنگە جەتەتىن قور بار»، - دەدى ا.مادييەۆ.

ونىڭ ايتۋىنشا، ەنەرگەتيكا ءمينيسترى قالا باسشىلىعىنا قاجەتتى جانارماي قورىمەن قامتاماسىز ەتەمىز دەپ ۋادە ەتكەن. 

«تابيعي مونوپوليالاردى رەتتەۋ كوميتەتىمەن بىرىگە وتىرىپ قالا اكىمدىگى جانارماي ستانسالارىندا رەيد جۇرگىزەدى. ويتكەنى، ستانسالار جانارمايدىڭ جالعان تاپشىلىعىن تۋدىرىپ، قويماعا تىعىپ قويماي، قالا حالقىن قامتاماسىز ەتۋى كەرەك»، - دەدى ول.

ايتا كەتۋ كەرەك، قازىرگى تاڭدا قالادا ءبىرقاتار ستانسالاردىڭ جەلىلەرىندە ەڭ ءوتىمدى اي-92 ماركالى جانارماي تەك تالونمەن بەرىلىپ جاتىر.