استانا مەديااپتالىعى اياسىندا وتكەن Astana Digital Forum-ىندا سويلەگەن «CEO Select Communication Group» كوممۋنيكاسيالىق ۇيىمىنىڭ جەتەكشىسى ۆيكتور ەليسەيەۆ اقپاراتتىق تەحنولوگيالاردىڭ كەڭىنەن قولدانىلۋى ەڭبەككە دەگەن سۇرانىستىڭ تومەندەۋىنە اكەلىپ سوعاتىنىن ايتتى، دەپ جازادى Qamshy.kz اقپارات اگەنتتىگى.

«بولاشاقتا ءىرى كومپانيالاردىڭ 40%-ى ءوز جۇمىستارىن توقتاتۋعا ءماجبۇر بولادى. سەبەبى ادامداردىڭ ورنىنا ەلەكتروندى جۇيەلەر جۇمىس ىستەيدى. ماسەلەن، Uber جانە Mersedes كومپانيالارى 200 مىڭ ۇشقىشسىز كولىك شىعارۋدى جوسپارلاپ وتىر. ياعني، تاكسيستەردىڭ جۇمىسى توقتايدى دەگەن ءسوز. ميلليونداعان ادامدار جۇمىسسىز قالادى. ادامدار بۇگىننەن باستاپ سونداي ساتكە دايىندىقتى باستاي بەرۋ كەرەك»، - دەدى ۆيكتور ەليسەيەۆ.

ايتا كەتەيىك، 4 قازاندا قازمەديا ورتالىعىندا  استانا مەدياپاتالىعى باستالدى. «Astana Media Week» قازاقستاندىق مەديا اپتاسى — بۇل كەڭ كولەمدەگى سالالىق ءىس-شارالار سەرياسى. جىل سايىن قازاقستان رەسپۋبليكاسى اقپارات جانە كوممۋنيكاسيالار مينيسترلىگىنىڭ تاپسىرىسىمەن وتكىزىلەتىن ورتالىق ازياداعى ەڭ ءىرى مەديا-وقيعا. Astana Media Week 2017 نەگىزگى ماقساتى — وتاندىق مەديا سفەرانى دامىتۋ جانە وڭىرلىك دەڭگەيدە يندۋسترياداعى ىسكەرلىك قاتىناستاردى ىلگەرىلەتۋ»، — دەپ جازعان بولاتىن اقپارات جانە كوممۋنيكاسيالار ءمينيسترى داۋرەن ابايەۆ اتالعان شارا تۋرالى.