قازاقستان پرەزيدەنتى تاجىكستان رەسپۋبليكاسىنىڭ پرەزيدەنتى ەمومالي راحمونمەن تەلەفون ارقىلى سويلەستى، دەپ جازادى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
اڭگىمەلەسۋ بارىسىندا نۇرسۇلتان نازاربايەۆ ەمومالي راحموندى تۋعان كۇنىمەن قۇتتىقتاپ، وعان زور دەنساۋلىق پەن باق-بەرەكە تىلەدى. سونىمەن قاتار، جوعارى مەملەكەتتىك لاۋازىمىندا تابىسقا جەتە بەرۋىنە نيەتتەستىگىن ءبىلدىردى.
مەملەكەتتەر باسشىلارى ەكىجاقتى ىنتىماقتاستىقتىڭ جاي-كۇيى مەن پەرسپەكتيۆالارىن، سونداي-اق وڭىرلىك كۇن تارتىبىندەگى وزەكتى ماسەلەلەردى تالقىلادى.
