بىلتىر قازاقستان ءىستى بولعان 8 شەتەلدىكتى ءوز ەلدەرىنە بەرۋدەن باس تارتتى. بۇل تۋرالى باس پروكۋروردىڭ ورىنباسارى مارات احمەتجانوۆ ايتتى، دەپ جازادى Qamshy.kz اقپارات اگەنتتىگى حابار 24 ارناسىنا سىلتەمە بەرىپ.
وتكەن جىلى ءبىزدىڭ ەلدىڭ سۇراۋى بويىنشا 103 ازامات قازاقستانعا قايتارىلدى. ال ءدال وسىنداي جولمەن 85 ادام وزگە ەلدەرگە تاپسىرىلدى. بۇگىندە قازاقستاننىڭ 55 مەملەكەتپەن قۇقىقتىق شارتى بار. الداعى ۋاقىتتا تاعى بىرنەشە ەلمەن شارت جاسالماق. قازىرگى ۋاقىتتا 3 مىڭعا تارتا وتانداسىمىز شەتەلدە سوتتالعان. ال 1 200-دەن استام شەتەلدىك قازاقستاندا جازالارىن وتەپ جاتىر.
بۇگىنگى سەنات وتىرىسىندا دەپۋتاتتار قازاقستان مەن سەربيا اراسىنداعى شارتتاردى بەكىتۋ تۋرالى زاڭ جوبالارىن قابىلدادى.
- يوردانيا، برازيليا، ۋكراينا، ساۋد ارابياسى بار. بۇل – ۇلگىلى شارتتار. قۇقىقتىق كومەك كورسەتۋ. ءاربىر ەلمەن كەلىسكەن كەزدە وكىلەتتى ورگاندار بولادى. ءبىزدىڭ بۇگىنگى تاقىرىپتا – باس پروكۋراتۋرا. ءاربىر ەلدىڭ زاڭناماسىنا سايكەس شارتتى جاسايمىز. ول ەلدە، ءبىزدىڭ ەلدە جاسالىپ وتىرعان ارەكەت قىلمىس بولىپ تابىلۋ كەرەك. تاعى دا باسقا نەگىزدەرى بار. سول ساقتالعاندا ءبىز قۇقىقتىق كومەكتى كورسەتەمىز، دەيدى ، ق ر باس پروكۋرورىنىڭ ورىنباسارى مارات احمەتجانوۆ.
پىكىر قالدىرۋ