اقش «شەشۋشى ايقاسقا» قولداۋ كورسەتۋ ءۇشىن ناتو-دان اۋعانستانعا تاعى دا 1000 اسكەر جىبەرۋدى سۇرادى. بۇل جايىندا امەريكا وكىلى كەي بەيلي حاچينسون مالىمدەدى، دەپ حابارلايدى Qamshy.kz اقپارات اگەنتتىگى تاسس اگەنتتىگىنە سىلتەمە جاساي وتىرىپ.

«اقش-تىڭ جاڭا ستراتەگياسى بويىنشا اۋعانستانداعى اسكەريلەردىڭ جالپى سانى 3000-دى قۇراسا، ناتو اسكەرلەرىنىڭ جالپى سانى 1000-عا جۋىق»، - دەيدى كەي بەيلي.

تامىز ايىندا ناتو-نىڭ باس حاتشىسى يەنس ستولتەنبەرگ ناتو 2018 جىلى اۋعانستانعا ءبىرشاما اسكەر جىبەرۋگە شەشىم قابىلداپ قويعاندىعى جايلى مالىمدەگەن بولاتىن. قازىرگى ۋاقىتتا اليانس مەملەكەتتەرى بۇل ەلدە 12 مىڭنان استام نۇسقاۋشىلار مەن كەڭەسشىلەردەن قۇرالعان كونتينگەنتكە باسشىلىق ەتەدى.

ايتا كەتەر بولساق، ناتو اۋعانستانعا ءوزىنىڭ اسكەرلەرىن 2014 جىلدىڭ اياعىنان باستاپ جىبەرە باستاعان.