«قازاقستان» ترك باسشىسى ەرلان ءقاريننىڭ ايتۋىنشا، بۇگىندە تەلەارنا باسشىلارىنىڭ ءبارى كورەرمەننىڭ سانىن كوبەيتۋدى كوزدەيدى. الايدا ۇلكەن ءبىر پروبلەما بار. ول - جاستاردىڭ ينتەرنەتتە ءجيى وتىراتىنى. سونىڭ سالدارىنان تەلەديداردىڭ اۋديتورياسى دا ازايىپ وتىر، دەپ xابارلايدى قازاقپارات-قا سىلتەمە بەرىپ Qamshy.kz اقپارات اگەنتتىگى.

«جاستار قازىرگى باعدارلامالاردى كورمەسە، ءبىز سونىڭ ءبارىن كىم ءۇشىن شىعارىپ جاتىرمىز؟ نە ءۇشىن شىعارىپ جاتىرمىز؟ ولار بارلىق اقپاراتتى تەك ينتەرنەتتەن ىزدەي باستادى. ەندى، ولاردى تەلەديداردىڭ الدىنا قالاي تارتامىز؟ مەنىڭشە، بىزگە ينتەرنەت پەن تەلەديداردىڭ ورتاق تاقىرىپتارىن شىعارۋ قاجەت. ينتەراكتيۆتى، كەرى بايلانىس بولۋى كەرەك. مىسالى، ءبىز ۇلتتىق ارنادان جاڭا باعدارلامانى اشۋدى شەشتىك. اۋديتورياعا مىنانداي ۇسىنىسپەن شىقتىق، كەز كەلگەن ادام ۇلتتىق ارنانىڭ ءتىلشىسى بولا الادى. ول ءۇشىن اۋىلدا بولسىن، قالادا بولسىن جاڭالىقتى ۇيالى تەلەفونعا ءتۇسىرىپ، بىزگە جىبەرۋ مۇمكىندىگىن اشتىق. ارتىنان بۇنىڭ ءبارى باعدارالامادا كورسەتىلەدى»، - دەدى قارين بۇگىن وڭىرلىك ب ا ق فورۋمىندا.

كورپوراسيا باسشىسىنىڭ ايتۋىنشا، بۇگىندە تەلەديدار مەن ينتەرنەتتىڭ كۇن ءتارتىبى كوپ جاعدايدا سايكەس كەلە بەرمەيدى. تەلەديداردا ءبىر ماسەلە كوتەرىلسە، ينتەرنەتتە مۇلدەم باسقا ماسەلەلەر تالقىلانىپ جاتادى.

ايتا كەتەيىك، بۇگىن استاناداعى "قازمەديا" ورتالىعىندا وڭىرلىك ب ا ق فورۋمى اشىلدى.  سول جەردە مينيستر داۋرەن ابايەۆ وڭىرلىك ب ا ق الياسىنىڭ نەمەن اينالىساتىنىن ايتىپ بەردى.  ال ق ر پارلامەنت ءماجىلىسىنىڭ دەپۋتاتى ساۋىتبەك ابدراxمانوۆ قازاق تىلىندەگى سايتتاردا ءترايباليزمنىڭ كۇشەيىپ جاتقانىنا ءوز الاڭداۋشىلىعىن ءبىلدىردى.