قازاقستانداعى «تويوتا موتور قازاقستان» جانە ۇلتتىق پاراليمپيادالىق كوميتەت ءوزارا كەلىسىمشارت جاساستى.

تانىمال كولىك برەندى Toyota قازاقستاننىڭ ۇلتتىق پاراليمپيادالىق كوميتەتىنە پاراليمپيادالىق سپورتتى دامىتۋعا جانە قۇندىلىعىن ارتتىرۋعا ۇلەسىن قوسۋعا دايىن،-دەپ جازادى Qamshy.kz اقپارات اگەنتتىگى. باستى مىندەت قازاقستاندىق مۇمكىندىگى شەكتەۋلى اتلەتتەرگە كۇش-جىگەر بەرۋگە مۇمكىندىك جاساۋ.

بۇل «تويوتا موتور قازاقستان» تاجىريبە جۇزىندە كوپتەگەن اقپاراتتىق مەن پاراليمپيادالىق اعىمداردى قولداپ، سپورتشىلاردىڭ تەك كاسىبي جەتىستىكتەرى عانا ەمەس، ولاردىڭ جەكە ومىرىندەگى اۋىر سىنداردان ءوتۋى مەن جەتىستىكتەرى جايىندا ايتىلاتىن شارالارعا بەلسەندى ات سالىسۋ.

2018 جىلى پحەنچحاندا وتەتىن قىسقى جانە 2020 جىلى توكيودا وتەتىن جازعى پاراليمپيادالىق ويىندار مەن باسقا دا 2024 جىلعا دەيىنگى حالىقارالىق سايىستاردا Toyota ۇپك-تىڭ قازاقستاندىق برەندتى تانىتۋىنا ات سالىسادى.

ەلىمىزدەگى «تويوتا موتور قازاقستاننىڭ» پرەزيدەنتى كيت مەتيۋ سيممونس: «ءبىز بارلىق ازاماتار تەڭ قۇقىققا يە بولا الاتىن قوعام جاساعىمىز كەلەدى. موبيلدىلىك دەگەنىمىز توسقاۋىل ەمەس، ارمانداردى ىسكە اسىراتىن مۇمكىندىك ەكەندىگىن دالەلدەگىمىز كەلەدى. قيىن كەزەڭدەردە سپورت ادامدى مىقتى بولۋعا تاربيەلەيدى. ول بىزگە قانات بەرىپ، بارلىعىمىزدى ورتاقتاستىرادى. پاراليمپيادالىق سپورت قوزعالىسىنىڭ اتلەتتەرى باتىرلىق پەن جىگەرلىك تانىتىپ، بارلىق نارسەنىڭ ىسكە اسا الاتىندىعىن كورسەتىپ ءجۇر.  پاراليمپيادالىق قوزعالىس قوعامدىق سانا مەن سپورتتى بايلانىستىراتىن كوپىر جانە ءبىزدىڭ ۇپك-پەن بىرىگۋىمىز قوعامنىڭ دامۋىنا ۇلەس قوسادى دەگەن ۇمىتتەمىز».

ۇلتتىق پاراليمپيادالىق كوميتەتتىڭ پرەزيدەنتى قايرات بورانبايەۆ بولسا: «ءبىز Toyota كومپانياسىمەن بىرگە جۇمىس جاسايتىندىعىمىزعا قۋانىشتىمىز. بۇل كومپانيانىڭ «الەمدى بارلىق ادام ءۇشىن جاقسارتۋ» دەگەن ماقساتى پاراليمپيادالىق كوميتەتتىڭ كوكسەگەنىمەن سايكەس كەلەدى»،-دەدى.

سونىمەن قاتار، قايرات بورانبايەۆ ءوز سەرىكتەسىنىڭ كوميتەت ىسىنە بەلسەندى ات سالىسىپ وتىرعانى ءۇشىن العىسىن ءبىلدىردى.