بۇگىن الماتى قالاسى مەدەۋ اۋدانىنىڭ قورعانىس ىستەرى جونىندەگى باسقارماسى جاس ساربازداردى اسكەرگە سالتاناتتى تۇردە شىعارىپ سالۋ ءراسىمىن وتكىزدى، دەپ جازادى Qamshy.kz اقپارات اگەنتتىگى. بۇل تۋرالى الماتى قالاسىنىڭ بوستاندىق اۋدانىنىڭ قورعانىس ىستەرى جونىندەگى باسقارماسى باستىعىنىڭ كومەكشىسى قارلىعاش مۇسابەك قىزى حابارلادى.
قازىرگى تاڭدا اسكەرگە باراتىنداردىڭ سانى ارتىپ جانە ساپاسى جاقسارىپ كەلەدى. اتا زاڭىمىزدا «قازاقستان رەسپۋبليكاسىن قورعاۋ – ونىڭ ءاربىر ازاماتىنىڭ قاسيەتتى پارىزى جانە مىندەتى» دەپ دەمەكشى وتان الدىنداعى بورىشىن وتەۋگە نيەت بىلدىرگەن ازاماتتار كوبەيىپ كەلەتىنى قۋانتارلىق جاعداي.
الماتى قالاسى مەدەۋ اۋداندىق اكىمدىگىنىڭ مۇرىندىق بولۋىمەن كوركەمونەرپازدار جاس ساربازدارعا ءوز ونەرلەرىن كورسەتتى. سونىمەن بىرگە الماتى قالاسىنىڭ قورعانىس ىستەرى جونىندەگى دەپارتامەنتى اسكەري بورىشىن وتەۋشىلەرگە قاجەتتى سىيلىقتار سىيلادى.
ايتا كەتەتىن ءجايت، جاس ساربازداردى قىزمەت وتكەرۋ ورىندارىندا ولاردى جاڭا جاعدايعا بەيىمدەلۋگە كومەكتەسەتىن جانە مەرزىمدى قىزمەت وتكەرۋ بارىسىندا اسكەري ىسكە وقىتىپ-ۇيرەتەتىن وفيسەرلەر مەن سەرجانتتار سالتاناتتى تۇردە قارسى الادى.
قازاقستان قارۋلى كۇشتەرىندە اسكەري قىزمەتتى وتكەرىپ، اسكەردىڭ ايبىنىن اسقاقتاۋىنا وسكەلەڭ جاس ۇرپاقتاردىڭ بىردەن-بىر ۇلەسى زور. اسكەر قاتارىندا بولۋ جاستاردى وتانسۇيگىشتىككە باۋلىپ، ەلى مەن جەرىنە سۇيىسپەنشىلىگىن ارتتىرىپ، ومىرگە بەيىمدەيدى. بەيبىت ەلدىڭ تىنىشتىعىن كۇزەتىپ، تاۋەلسىزدىگىمىزدىڭ تۋىنىڭ جەلبىرەۋى اسكەرىنىڭ مىقتى دا، بەرىك بولۋىندا.
ءاربىر جاس سارباز قانداي جاعدايدا قاسيەتءتى وتانىن قورعاۋعا قاشاندا دايىن بولۋى ءتيىس. جۇرەگىندە ەلىنە، وتانىنا دەگەن سۇيىسپەنشىلىك كەز كەلگەن ادامعا جىلۋلىق بەرىپ، ىزگى ەرلىك ىستەردىڭ قاينار كوزىنە اينالۋى پاتريوتيزمگە تاربيەلەۋدىڭ ارقاۋى بولىپ تابىلادى.
