اتالمىش وقيعانىڭ كۋاگەرلەرى بولعان جولاۋشىلار كوندۋكتوردىڭ بۇل ىسىنە نارازىلىق ءبىلدىرىپ، پوليسيا قىزمەتكەرلەرىنە شاعىم جاساعان. ەندىگى كەزەكتە ول كوندۋكتوردى جۇمىستان قۋۋ ماسەلەسى قارالىپ جاتىر، دەپ حابارلايدى Qamshy.kz اقپارات اگەنتتىگى Life.ru سايتىنا سىلتەمە جاساي وتىرىپ.
جەرگىلىكتى ب ا ق دەرەكتەرىنە سايكەس، كوندۋكتور قازاقستاندىقتاردى اقشا ۇنەمدەۋ ءۇشىن جالعان ستۋدەنتتىك كۋالىكتەردى پايدالانىپ ءجۇر دەپ ايىپتاعان.
الايدا تاعىلعان ايىپ نەگىزسىز بولىپ تابىلعان، سەبەبى ولار شىن مانىسىندە پەداگوگيكالىق ۋنيۆەرسيتەتتىڭ ستۋدەنتتەرى بولىپ شىقتى. قازاقستاندىق ستۋدەنتتەر قوعامدىق كولىكتەن شىعۋدان باس تارتقان، كەيىننەن كوندۋكتور ايەل اشۋلانىپ، ولاردىڭ ۇلتىنا – «قازاقتارعا» - بىلاپىت سوزدەر ايتىپ، نامىستارىنا ءتيىپ سويلەي باستاعان.
ۇلتشىل كوندۋكتوردى وزگە جولاۋشىلار توقتاتپاق بولعان، الايدا ول وزگەلەردىڭ سوزىنە قۇلاق اسپاي، قازاقستاندىق ستۋدەنتتەرگە قاراتىپ ءبىرشاما اۋىر سوزدەر ايتقان.
